– કોલસા ‘કૌભાંડ’ કેસમાં આઈ-પેકની ઓફિસ પર ઈડીની કાર્યવાહી
– ઈડી અને આઈ-પેકની કલકત્તા હાઈકોર્ટમાં સામ-સામે અરજી, દરોડા રાજકારણ પ્રેરિત હોવાનો મુખ્યમંત્રી મમતાનો આક્ષેપ
– દરોડામાં આઈ-પેક વિરુદ્ધ કોલસા કૌભાંડ અંગે જપ્ત કરેલા મહત્વના પુરાવા મમતા બેનરજી લઈ ગયા : ઈડી
કોલકાતા : એન્ફોર્સમેન્ટ ડિરેક્ટોરેટે ગુરુવારે અચાનક જ કથિત રીતે કરોડો રૂપિયાના કોલસા ‘કૌભાંડ’ કેસમાં કોલકાતામાં શાસક પક્ષ તૃણમૂલ કોંગ્રેસની પોલિટિકલ કન્સલટન્સી કંપની આઈ-પેકની ઓફિસ અને તેના ચેરમેન પ્રતિક જૈનના ઘર પર દરોડા પાડયા હતા. ઈડીની કાર્યવાહીથી ભડકેલા મુખ્યમંત્રી મમતા બેનરજીએ દરોડાને રાજકીય કાવતરું ગણાવ્યા હતા. એટલું જ નહીં મમતા બેનરજી પોતે આઈ-પેકની ઓફિસે પહોંચ્યા અને કેટલીક ફાઈલો લઈને જતા રહ્યા.
