ગઢડા પોલીસ મથકમાં 12 શખ્સો સામે ફરિયાદ નોંધાઈ
લોખંડના પાઈપ, લોકડી અને ઢીકાપાટુની મારામારીમાં ત્રણ લોકોને ઈજા
ભાવનગર: ગઢડાના માંડવધાર ગામે જુની ફરિયાદની દાઝે લોખંડના પાઈપ, લાકડી અને ઢીકાપાટુની મારામારીની સામસામી પોલીસ ફરિયાદ ગઢડા પોલીસ મથકમાં નોંધાતા પોલીસે ગુનો નોંધી આગળની કાર્યવાહી હાથ ધરી છે.
બોટાદ જિલ્લાના ગઢડા તાલુકના માંડવધાર ગામે રહેતા પ્રકાશભાઈ હિંમતભાઈ ગઢાદરાએ ગઢડા પોલીસ મથકમાં સુરેશ ભુપતભાઈ ભુંગાણી, અમરત વલ્લભભાઈ ભુંગાણી, વિનુ રાઘવભાઈ ભુંગાણી, શૈલેષ અમરશીભાઈ ભુંગાણી, સંજય વલ્લભભાઈ ભુંગાણી, ઉપેન્દ્ર રાઘવભાઈ ભુંગાણી, પરશોતમ કાળુભાઈ સરીયા અને કિશોર અમરશીભાઈ ભુંગાણી વિરૂદ્ધ ફરિયાદ નોંધાવી હતી. જેમાં ઉક્ત લોકો સાથે તેમને અગાઉ માથાકૂટની પોલીસ ફરિયાદ થઈ હતી જેનું મનદુઃખ રાખી ઉક્ત લોકોએ લોખંડના પાઈપ વડે તેમને તથા તેમના પિતાને માર મારી ઈજા પહોંચાડી જાનથી મારી નાખવાની ધમકી આપી હતી. જ્યારે સામે પક્ષે સુરેશભાઈ મનુભાઈ ભુંગાણીએ હિંમત બીજલભાઈ ગઢાદરા, પ્રકાશ હિંમતભાઈ ગઢાદરા, અસ્મીતાબેન હિંમતભાઈ ગઢાદરા અને ગીતાબેન હિંમતભાઈ ગઢાદરા વિરૂદ્ધ ફરિયાદ નોંધાવી હતી. જેમાં ઉક્ત લોકો સાથે અગાઉ માથાકૂટની સામસામી ફરિયાદ થઈ હતી તેની દાઝે ઉક્ત લોકોએ લાકડી અને ઢીકાપાટુનો માર મારી ઈજા કરી જાનથી મારી નાખવાની ધમકી આપી હતી. આ અંગે ગઢડા પોલીસે બન્ને પક્ષની ફરિયાદ લઈ આગળની કાર્યવાહી હાથ ધરી છે.
