– ઘરેથી કરોડો રૂપિયા મળવાના મામલામાં જસ્ટિસ વર્માની મુશ્કેલી વધી શકે છે
– તપાસ કમિટી પર શંકા હતી તો તેની સમક્ષ હાજર જ કેમ થયા? શરૂઆતમાં જ તપાસ રિપોર્ટને કેમ ના પડકાર્યો? : સુપ્રીમના સવાલ
નવી દિલ્હી : ઘરેથી કરોડો રૂપિયા મળવા મામલે કાર્યવાહીનો સામનો કરી રહેલા હાઇકોર્ટના જજ યશવંત વર્માને સુપ્રીમ કોર્ટે આકરા સવાલો કર્યા હતા સાથે જ કહ્યું હતું કે જસ્ટિસ વર્માનું વર્તન વિશ્વસનીય નથી લાગી રહ્યું. સુપ્રીમે કહ્યુંહતું કે તમે આટલા દિવસ કેમ ચુપ રહ્યા, તપાસ કમિટી પર વિશ્વાસ નહોતો તો તેની સામે હાજર જ કેમ થયા?, તપાસ શરૂ થઇ ત્યારે જ તેને કેમ ના પડકારી?
દિલ્હીમાં જસ્ટિસ વર્માના ઘરેથી મોટી રકમ બળેલી હાલતમાં મળી આવી હતી, જેનો વીડિયો સુપ્રીમ કોર્ટ દ્વારા પોતાની વેબસાઇટ પર પણ જાહેર કરાયો હતો સાથે જ તપાસ માટે કમિટી પણ રચી હતી. કમિટીએ જસ્ટિસ વર્મા સામે મહાભિયોગની કાર્યવાહીની ભલામણ કરી હતી.
