Jamnagar Gambling Crime : જામનગર શહેર તેમજ કાલાવડ નજીક ભાવાભી ખીજડીયા ગામમાં પોલીસે જુગાર અંગે બે દરોડા પાડ્યા હતા, અને કુલ 8 આરોપીઓની અટકાયત કરી લઈ, રોકડ રકમ તેમજ જુગારનો સામાન કબજે કર્યો છે.
જામનગર શહેરમાં રંગૂનવાલા હોસ્પિટલ પાસે ગઈકાલે સીટી એ. ડિવિઝન પોલીસે જુગાર અંગે દરોડો પાડયો હતો, અને જાહેરમાં ઘોડીપાસા વડે જુગાર રમી રહેલા યુનુસ યાકુભાઇ વહેવારીયા, કાદર જુમાભાઈ ઘરાણા સહિત તમામ આરોપીઓની અટકાયત કરી લઈ તેઓ પાસેથી રૂ.10,200 ની રોકડ રકમ તથા ઘોડીપાસાનો સામાન કબજે કર્યો છે.
જુગારનો બીજો દરોડો કાલાવડ તાલુકાના ભાવભી ખીજડીયા ગામમાં પાડવામાં આવ્યો હતો. ત્યાંથી જાહેરમાં ગંજીપાના વડે જુગાર રમી રહેલા ઈમ્તિયાઝ શેરમામદ બ્લોચ, રાજેશ શામજીભાઈ રંગપરા, ભીમજીભાઇ વલ્લભભાઈ કોડીયા, જીતેન્દ્ર મૂળજીભાઈ પટેલ, ધર્મેશ ભીમજીભાઈ રાખોલીયા અને પંકજ મનસુખભાઈ કાછડીયા વગેરે પાસેથી રૂપિયા 21,200 ની રોકડ રકમ અને જુગારનો સામાન કબજે કર્યો છે.
