અમદાવાદ : ભારતનું નેશનલ સ્ટોક એક્સચેન્જ હવે માત્ર દેશમાં જ નહીં પણ વિશ્વમાં પણ એક મોટું નામ બની ગયું છે. યુકે બ્રાન્ડ વેલ્યુએશન ફર્મ બ્રાન્ડ ફાઇનાન્સના રિપોર્ટ અનુસાર એનએસઈને પ્રથમ વખત વિશ્વની ટોચની ૧૦ સૌથી મૂલ્યવાન સ્ટોક એક્સચેન્જ બ્રાન્ડોની યાદીમાં સામેલ કરવામાં આવ્યું છે. એનએસઈ આ યાદીમાં નવમા સ્થાને પહોંચ્યું છે.
વર્ષ ૨૦૨૫માં એનએસઈનું બ્રાન્ડ મૂલ્ય ૩૯ ટકા વધીને ૫૨૬ મિલિયન ડોલર એટલે કે અંદાજે ૪૩૦૦ કરોડ આસપાસ થયું છે અર્થાત એનએસઈનું નામ અને કમાણી બંને ઝડપથી વધી રહ્યા છે.
