– ચાલક સહિત 3 શખ્સ વિરૂદ્ધ ગુનો નોંધાયો
– દારૂ, બિયર, ટ્રક મળીને રૂ. 13.26 લાખના મુદ્દામાલ સાથે ચોટીલાના ચાલકની અટકાયત
લીંબડી : લીંબડી અમદાવાદ હાઈવે પર પાણશીણા ચેક પોસ્ટ પર થી ૧.૨૧ લાખનો વિદેશી દારૂ તથા બીયર ના જથ્થા સાથે એક શખ્સને પાણશીણા પોલીસે ઝડપી પાડયો હતો. પોલીસે દારૂ તથા બીયર મોબાઈલ અને ટ્રક મળીને કુલ રૂપિયા ૧૩.૨૬ લાખનો મુદ્દામાલ કબ્જે કરી ત્રણ શખ્સો વિરૂદ્ધ ગુનો નોંધ્યો હતો.
પાણશીણા પોલીસ સ્ટેશનના સ્ટાફને બાતમી મળી હતી કે અમદાવાદ તરફથી આવતા એક ટ્રકમાં પ્લાસ્ટિકના દાણાની આડમાં દારૂ-બિયરની હેરાફેરી કરવામાં આવી રહી છે. બાતમીના આધારે પોલીસે પાણશીણા ચેક પોસ્ટ પર વોચ ગોઠવી બાતમીવાળા ટ્રકને ઉભો રાખી તપાસ કરતા તેમાં ડ્રાઈવર શીટની પાછળના ભાગે ચોરખાનામાં વિદેશી દારૂની ૨ બોટલો (કિં.રૂ. ૫૮,૦૦), બિયરના ૫૨૮ ટીન (કિં.રૂ.૧,૧૬,૧૬૦) મળી આવ્યા હતા. પોલીસે ચાલકની પુછપરછ કરતા તેનું નામ સુલતાન ઉમરભાઈ કલાડીયા (રહે. ચોટીલા) હોવાનું જણાવ્યું હતું. પોલીસે દારૂ-બિયર (કિ.રૂ.૧,૨૧,૧૬૦) અને ટ્રક (કિ.રૂ.૧૨,૦૦,૦૦૦) મળી રૂ. ૧૩,૨૬, ૯૬૦નો મુદામાલ કબજે કર્યોે હતો. અને દારૂ-બિયરનો જથ્થો ભરી આપનાર તથાં માલ મંગાવનાર સહિત તપાસમાં ખુલ્લે તે તમામ શખ્સો વિરૂદ્ધ પાણશીણા પોલીસ સ્ટેશનમાં પોલીસે ગુનો નોંધીને વધુ તપાસ હાથ ધરી હતી.
