યુદ્ધની પરિસ્થિતિના પ્રભાવ વચ્ચે ઈંધણના ભાવ અને પુરવઠા અંગેની અનિશ્વિતતાએ વાહન બજારમાં ફેરફાર લાવ્યો છે. વડોદરાવાસીઓ હવે પેટ્રોલ વાહનોના વિકલ્પો તરફ નજર દોડાવી રહ્યા છે.
સરકારની પરિવહન પોર્ટલના આંકડા દર્શાવે છે કે, વર્ષ ૨૦૨૫ના પ્રથમ ત્રણ મહિનામાં ૨૦,૦૯૮ પેટ્રોલ વાહનોની નોંધણી થઈ હતી, જ્યારે વર્ષ ૨૦૨૬ના સમાન ગાળામાં આ આંકડો ઘટીને માત્ર ૯, ૩૯૨ રહ્યો છે.
બીજી તરફ ઈલેક્ટ્રિક વાહનોમાં વૃદ્ધિનો ટ્રેન્ડ જોવા મળે છે. વર્ષ ૨૦૨૫ના પ્રથમ ત્રણ મહિનામાં ૧,૧૯૦ નોંધણી થઈ હતી, જ્યારે વર્ષ ૨૦૨૬માં આ આંકડો વધીને ૧,૯૨૩ થયો છે.
તેવી જ રીતે સીએનજી વાહનોની નોંધણીમાં પણ વૃદ્ધિ જોવા મળે છે. વર્ષ ૨૦૨૫માં પ્રથમ ત્રણ મહિનામાં ૧,૬૦૮ નોંધણી થઈ હતી, જ્યારે વર્ષ ૨૦૨૬માં આ આંકડો વધીને ૨,૦૪૩ થયો છે. જો કે ડીઝલ વાહનોની નોંધણીમાં ઝાઝો ફેર જણાયો નથી. વર્ષ ૨૦૨૫માં પ્રથમ ત્રણ મહિનામાં ડીઝલ વાહનોની નોંધણી ૩૨૪૨ થઈ હતી, વર્ષ ૨૦૨૬માં આ આંકડો યથાવત રહેતા ૩૨૯૯ વાહનોની નોંધણી થઈ છે.
વર્ષ ૨૦૨૬ પેટ્રોલ વાહનોની નોંધણી
જાન્યુઆરી : ૨,૫૩૪
ફેબ્રુઆરી : ૨,૧૫૮
માર્ચ (તા. ૨૭ સુધી) : ૧,૯૭૦
વર્ષ ૨૦૨૬ ઈલેક્ટ્રિક વાહનોની નોંધણી
જાન્યુઆરી: ૬૭૭
ફેબ્રુઆરી : ૫૫૮
માર્ચ (તા.૨૭સુધી) : ૭૭૫
