Bihar Election: બિહાર વિધાનસભા ચૂંટણી જેમ જેમ નજીક આવી રહી છે તેમ મહાગઠબંધનની વચ્ચે બેઠક વહેંચણીને લઈને હલચલ તેજ થઈ રહી છે. આ દરમિયાન કોંગ્રેસના કેન્દ્રીય હાઇકમાન્ડે દિલ્હીમાં પાર્ટી નેતાઓની એક બેઠક બોલાવી છે. આ બેઠકમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે, વિરોધ પક્ષના નેતા રાહુલ ગાંધી, કોંગ્રેસ મહાસચિવ કેસી વેણગોપાલ, બિહાર કોંગ્રેસ પ્રભારી કૃષ્ણા અલ્લાવરુ અને પ્રદેશ અધ્યક્ષ રાજેસ રામ સહિત બિહારને ઘણા નેતા સામેલ હશે.
આ પણ વાંચો: ભારત બનાવશે ન્યુક્લિયરથી લેસ એરક્રાફ્ટ કેરિયર ‘INS વિશાલ’, 55 ફાઈટર જેટ લઈ જવાની ક્ષમતા
કોંગ્રેસ આશરે 60 બેઠક ઈચ્છે છે
આ બેઠકમાં, અમે આરજેડી સાથે બેઠક વહેંચણી અને ભવિષ્યની રણનીતિ અંગે ચર્ચા કરવામાં આવશે. બેઠકમાં મતદાન અધિકાર યાત્રાની સમીક્ષા પણ કરવામાં આવી શકે છે. મીડિયા રિપોર્ટ્સ પ્રમાણે બેઠક વહેંચણીને લઈને આરજેડી અને કોંગ્રેસ વચ્ચે હવે વાત નથી બની રહી. કોંગ્રેસ આશરે 60 બેઠક ઈચ્છે છે, જ્યારે આરજેડી તેને 50 બેઠકમાં રાજી કરવા માગે છે. છેલ્લી ચૂંટણીમાં કોંગ્રેસ 70 બેઠક પર લડી હતી.
‘કોંગ્રેસ કેટલીક બેઠકો છોડવા પણ તૈયાર છે, પરંતુ…’
આ વખતે વિપક્ષી ગઠબંધનમાં મુકેશ સહની અને પશુપતિ પારસની એન્ટ્રી અને સીપીઆઈ એમએલની વધુ બેઠકોની માંગને કારણે કોંગ્રેસ પર ઓછી બેઠકો પર સમાધાન કરવાનું દબાણ છે. કોંગ્રેસ કેટલીક બેઠકો છોડવા પણ તૈયાર છે. પરંતુ બદલામાં પાર્ટીને પોતાની ઇચ્છા મુજબ બેઠકો પસંદ કરવાની સ્વતંત્રતા છે. બેઠક વહેંચણીને લઈને 6 ઓગસ્ટે પટણામાં આરજેડી અને કોંગ્રેસની બેઠક મળી હતી. પરંતુ આ બેઠકમાં આરજેડી અને કોંગ્રેસ વચ્ચે સંપૂર્ણ સહમતિ નહોતી બની.
આ પણ વાંચો: ચૂંટણી જીતતા જ ભારતના ઉપરાષ્ટ્રપતિને મળશે આ સુવિધાઓ, લાખો રૂપિયા છે માસિક વેતન
‘મતદાતા અધિકાર યાત્રા’ને લઈને કોંગ્રેસમાં ઉત્સાહ
બિહારમાં ખાસ સઘન સુધારા સામે રાહુલ ગાંધીની આગેવાની હેઠળ મતદાતા અધિકાર યાત્રાને લઈને કોંગ્રેસ ઉત્સાહમાં જોવા મળી રહી છે. તેજસ્વી યાદવ સહિત મહાગઠબંધનના અન્ય ઘટકો પણ આ યાત્રામાં સામેલ હતા. પરંતુ તેનું નેતૃત્વ કોંગ્રેસ અને રાહુલ ગાંધી પાસે રહ્યું હતું. આ યાત્રા પછી એવું કહેવામાં આવી રહ્યું હતું કે, કોંગ્રેસની સોદાબાજી પાવરમાં વધારો થશે, પરંતુ હાલમાં તેવું જોવા નથી મળી રહ્યું.
