વડોદરા,મહારાષ્ટ્રના છ વિદ્યાર્થી અને વિદ્યાર્થિનીઓનું ગુ્રપ યોગાની ટ્રેનિંગ માટે વડોદરા આવ્યું હતું. જ ે પૈકીની ૧૪ વર્ષની વિદ્યાર્થિનીએ આક્ષેપ કર્યો છે કે, યોગા શીખવતા માસ્ટરે મારી સાથે દુષ્કર્મ કર્યું છે. વિદ્યાર્થિની હોટલની અગાશી પરથી નીચે કૂદી જતા તેને સારવાર માટે હોસ્પિટલમાં દાખલ કરવામાં આવી છે.
મહારાષ્ટ્રના એક જિલ્લાના વિદ્યાર્થીઓ અને વિદ્યાર્થિનીઓનું એક ગુ્રપ યોગાના ૧૫ દિવસના કેમ્પમાં વડોદરા આવ્યું હતું. સયાજીગંજ વિસ્તારની એક હોટલમાં તેઓ રોકાયા હતા. આ ગુ્રપની ૧૪ વર્ષની કિશોરીએ ગઇકાલે સયાજીગંજ વિસ્તારની એક હોટલની અગાશી પરથી નીચે પડતું મૂક્યું હતું. લોકો દોડી આવતા તેને સારવાર માટે હોસ્પટિલમાં દાખલ કરવામાં આવી હતી. વિદ્યાર્થિનીને જમણા પગ અને ચહેરા પર ઇજા થઇ હતી. તેણે એવી કેફિયત રજૂ કરી હતી કે, છ ઠ્ઠી તારીખે હું હોટલમાં યોગાના ક્લાસમાં ગઇ હતી.માસ્ટરે મને હિપ્નોટાઇસ કરીને બેભાન કરી દીધી હતી. હું ભાનમાં આવી ત્યારે મારા શરીર પરના કપડાં વેરવિખેર હતા. તેણે એવો આક્ષેપ કર્યો છે કે, માસ્ટરે મારી સાથે દુષ્કર્મ કર્યું છે. જેથી, ફતેગંજ પોલીસ દોડી ગઇ હતી. કિશોરી પર દુષ્કર્મ થયું છે કે કેમ ? તેની ચકાસણી કરવા પોલીસે ડોક્ટરને કહ્યું છે. ભોગ બનનાર ૧૪ વર્ષની હોઇ તેના માતા – પિતાને જાણ કરી અહીંયા બોલાવવામાં આવ્યા છે. તેઓના આવ્યા પછી આગળની કાર્યવાહી કરવામાં આવશે. તેવું ફતેગંજ પી.આઇ. એ.એમ. ગઢવીએ જણાવ્યું છે. ભોગ બનનાર વિદ્યાર્થિનીની સાથે આવેલા અન્ય વિદ્યાર્થીઓની પણ પોલીસ પૂછપરછ કરશે. જે સ્થળે દુષ્કર્મ કરવામાં આવ્યું હોવાનો આક્ષેપ છે. તે સ્થળે પણ પોલીસ દ્વારા તપાસ કરવામાં આવશે.
