અમદાવાદ : રૂપિયામાં જુલાઈ પછીનો સૌથી ખરાબ મહિનો પુરવાર થયો હતો. નવેમ્બરમાં અત્યાર સુધી ૦.૮ ટકાનો ઘટાડો થયો હતો. રૂપિયો શુક્રવારે ૦.૧૭ ટકા ઘટીને ૮૯.૪૬ પ્રતિ ડોલર પર બંધ રહ્યો હતો. . એશિયાઈ ચલણોમાં રૂપિયો સૌથી ખરાબ પ્રદર્શન કરનારું ચલણ બન્યું છે.
બીજી બાજુ, સરકારે શુક્રવારે સાપ્તાહિક હરાજીમાં આશરે ૩૨,૦૦૦ કરોડના બોન્ડ વેચ્યા હતા. ડીલરોએ જણાવ્યું હતું કે ૭ વર્ષના બોન્ડ પર કટઓફ ઉપજ ૬.૪૩% પર સેટ કરવામાં આવ્યો હતો, જે મજબૂત માંગ દર્શાવે છે.
ખાનગી બેંકના એક ડીલરે જણાવ્યું હતું કે, પાછલી હરાજી (જ્યારે ૭ વર્ષની સિક્યોરિટીઝ રદ કરવામાં આવી હતી) કરતા આ હરાજીમાં મુખ્ય ફેરફાર એ છે કે માંગમાં સુધારો થયો છે. આ વખતે, ઉપજ બજારની અપેક્ષાઓ સાથે સુસંગત હતી. રિઝર્વ બેંક ગવર્નર દ્વારા વ્યાજ દરમાં ઘટાડાનો સંકેત પછી બજારની ભાવના બદલાઈ ગઈ હતી આ આશા પાછળ માંગમાં વધારો થયો હતો.
રિઝર્વ બેંકે ૯ નવેમ્બરના રોજ ૭ વર્ષના કેન્દ્ર સરકારના બોન્ડનું વેચાણ રદ કર્યું હતું કારણ કે રોકાણકારોએ લગભગ ૬.૫૦% ઉપજની માંગ કરી હતી. આ નવા ૧૦ વર્ષના બોન્ડ કરતાં વધુ હતું, અને તેથી, કેન્દ્રીય બેંક માટે અસ્વીકાર્ય હતું. બજારના સહભાગીઓએ જણાવ્યું હતું કે ઉપજ મોટાભાગે બજારની અપેક્ષાઓ સાથે સુસંગત હતી, જ્યારે ગ્રીન બોન્ડે આગાહીઓ કરતાં વધુ સારું પ્રદર્શન કર્યું હતું,
મહિનાના અંતે ડોલરની માંગને કારણે રૂપિયો દબાણ હેઠળ છે, જ્યારે રિઝર્વ બેંક સ્થાનિક ચલણને રેકોર્ડ નીચા સ્તરે પહોંચતા અટકાવવા માટે ડોલરનું વેચાણ કરી રહી છે. સ્થાનિક ચલણ એશિયાઈ ચલણમાં સૌથી ખરાબ પ્રદર્શન કરનારું ચલણ છે, જે નવેમ્બરમાં ૪.૩ ટકા ઘટયું હતું.
અત્રે એ ઉલ્લેખનીય રહેશે કે ઈરાની ક્રૂડ ઓઈલ ખરીદવા બદલ ભારતીય કંપની પર પ્રતિબંધો અને વેપાર સોદામાં વિલંબને કારણે ૨૧ નવેમ્બરના રોજ રૂપિયો પ્રતિ ડોલર ૮૯.૫૪ ની નવી નીચી સપાટીએ પહોંચ્યો હતો.
