Vadodara Police : વડોદરા પોલીસ દ્વારા આજે સવારે કોયલી ચેકપોસ્ટ વિસ્તારમાં ફરી એકવાર દારૂનો નિકાલ કરવામાં આવ્યો છે.
વડોદરા પોલીસ ના જુદા જુદા પોલીસ સ્ટેશનમાં એસએમસી તેમજ લોકલ પોલીસ દ્વારા પકડવામાં આવતા દારૂનો કોર્ટમાંથી હુકમ લઈને રોલર ફેરવી નાશ કરવામાં આવતો હોય છે. છેલ્લા ત્રણ મહિનામાં ત્રણ કરોડથી વધુની કિંમતના દારૂનો નાશ કરવામાં આવ્યો છે.
આજે ડીસીપી મંજીતા વણઝારાના તાબા હેઠળના છ પોલીસ સ્ટેશન વિસ્તારમાં પકડાયેલા 16 લાખની કિંમતના દારૂનો કોયલી વિસ્તારમાં નાશ કરવામાં આવ્યો હતો. આ વખતે ઉચ્ચ અધિકારીઓ તેમજ એસડીએમ હાજર રહ્યા હતા.
દારૂની બોટલોને રોડ પર ગોઠવીને તેના ઉપર રોલર ફેરવી દેવામાં આવતા દારૂની નદી વહેતી હોય તેવા દ્રશ્ય જોવા મળ્યા હતા.
