Gandhinagar News : ડ્રાઈવિંગ લાયસન્સ માટે ડ્રાઈવિંગની ટેસ્ટ આપતી વખતે સેન્સર, કેમેરા અને ઈન્સ્પેક્ટર દ્વારા મૂલ્યાંકન કરવામાં આવતું હોય છે, જ્યારે હવે ગાંધીનગરમાં આ સમગ્ર પ્રક્રિયામાં નવિનત્તમ ટેક્નોલોજીનો ઉપયોગ કરીને નવી સિસ્ટમ ગોઠવવામાં આવશે. જેમાં ડ્રાઈવિંગ ટેસ્ટ ટ્રેક પર AI કેમેરા દ્વારા દેખરેખ રખાશે. આમ AI કેમેરા ડ્રાઈવિંગ ટેસ્ટની આખી પ્રક્રિયાનું સંચાલિત થશે.
મળતી માહિતી મુજબ, ગાંધીનગર RTOમાં હાલ રોજના 200થી વધુ ટુ-વ્હીલર અને ફોર વ્હીલરના ડ્રાઈવિંગ ટેસ્ટ થાય છે, ત્યારે AI સિસ્ટમથી ડ્રાઈવિંગ ટેસ્ટ આપનાર પાસ છે કે નાપાસ તેનો ડેટા સીધો સારથી એપ્લિકેશનમાં ઓનલાઈન અપડેટ થશે.
આ પણ વાંચો: મા અંબાના પ્રસાદમાં ભળ્યો આદિવાસી જાતિના લોકસંગીતનો લહેકો, શ્રદ્ધા, રોજગારી અને પરંપરાનો અનોખો સંગમ
ડ્રાઈવિંગ લાયસન્સ મેળવવાની પ્રક્રિયામાં ઘણી વખત ‘સેટિંગ’ થવાની શક્યતા રહેતી હોય છે, ત્યારે તેના કારણે અયોગ્ય અને ગેરકાયદે રીતે લાયસન્સ મેળવનાર લોકો દ્વારા અકસ્માતની સંભાવના રહે છે. અકસ્માતમાં માનવ મૃત્યુની ગંભીરતાને જોતા સુપ્રીમ કોર્ટે 2030 સુધીમાં આ પ્રકારના અકસ્માતની ઘટનામાં 50 ટકા ઘટાડો કરવાનો ટાર્ગેટ છે. તેવામાં યોગ્ય અને કડક ડ્રાઈવિંગ ટેસ્ટની પ્રક્રિયા કરવામાં આવે તે માટે AI દ્વારા ડ્રાઇવિંગ ટેસ્ટનો નિર્ણય અસરકારક સાબિત થશે. જ્યારે આ સિસ્ટમ આગામી દિવસોમાં શરૂ થશે.
