વડોદરા : શેર બજારમાં રોકાણ કરવાથી મોટો પ્રોફિટ મળશે તેવી સિનિયર
સિટીઝનને લાલચ આપી રૃા.૪૬.૯૫ કરોડની છેતરપિંડી કરવાના બનાવમાં સંડોવાયેલા વધુ એક
શખ્સને સીઆઇડી ક્રાઇમે ઝડપી પાડયો હતો. આજે આરોપીને કોર્ટમાં રજૂ કરી તપાસ
અધિકારીએ આરોપીના પાંચ દિવસના રિમાન્ડની માંગણી કરતા ન્યાયાધીશે આરોપીના તા.૧૧મી
સુધીના રિમાન્ડ મંજૂર કર્યા હતા.
બનાવની વિગત એવી છે કે,યોગેશભાઇ દેસાઇએ સીઆઇડી ક્રાઇમ (સાઇબર
ક્રાઇમ)માં ફરિયાદ નોંધાવી હતી કે, આરોપીઓએ તેમનો સંપર્ક
વોટ્સએપ દ્વારા કર્યો હતો.આરોપીઓએ તેમની
કંપની CITADEL
LLC રજીસ્ટર
બ્રોકરેજ ફર્મ હોવાનું જણાવ્યું હતું અને શેર માર્કેટમાં જો રોકાણ કરશો તો ઉંચુ
વળતર મળશે તેવો ભરોસો આપ્યો હતો.
ત્યાર બાદ આરોપીઓએ વોટ્સએપના અન્ય એક ગૃપમાં ફરિયાદીને સામેલ
કર્યા હતા અને ત્યાં વિવિધ શેરની ટીપ્સ આપવામાં આવતી હોઇ તેમણે રોકાણ કર્યું
હતું.ફરિયાદીના વેબ એકાઉન્ટમાં રૃા.૫૮૦ કરોડ જમા થયા હોવાનું જોવા મળતા તેમણે
નાણાં વિડ્રો થયા ન હતા અને આરોપીઓએ સર્વિસ ચાર્જ પેટે રૃા.૧૫ કરોડ જમા કરાવો તેમ
કહ્યું હતું.
આમ, રૃા.૫૮૦ કરોડ જેવી માતબર રકમ બતાવી તમામ
આરોપીઓએ વિડ્રો કરવા માટે ફરિયાદીએ રકમ
જમા કરાવી હતી પરંતુ નાણાં વિડ્રો થઇ શક્યાં ન હતા અને આમ કુલ રૃા.૪૬.૯૫ કરોડની
છેતરપિંડી રૃા.૪૬.૯૫ કરોડની છેતરપિંડી કરતા આ બનાવ અંગે સીઆઇડી ક્રાઇમ ગાંધીનગરે
ગુનો દાખલ કરી અગાઉ ત્રણ આરોપીની ધરપકડ કરી હતી.દરમિયાનમાં બાતમીના આધારે ગઇકાલે
સીઆઇડી ક્રાઇમે વધુ એક આરોપી મનીષ વિજયકુમાર ઠાકુરને ઝડપી લીધો હતો.
આજે આરોપીને કોર્ટમાં રજૂ કરી તપાસ અધિકારીએ આરોપીના રિમાન્ડની
મીંગણી કરતા મુખ્ય સરકારી વકીલ અનિલ દેસાઇએ રજૂઆત કરી હતી કે, આરોપીના
બેંક એકાઉન્ટમાં ૯૫ લાખ જમા થયા છે અને તેને કમિશન પેટે રૃા.૬.૮૦ લાખ મળ્યા છે તે
બાબતે આરોપી સંતોષકારક જવાબ આપતો નથી. નાણાં રિકવર કરવાના બાકી છે. અન્ય કેટલા
બેંક એકાઉન્ટનો ઉપયોગ કરવામાં આવ્યો છે ? તેની તપાસ કરવાની
છે. ન્યાયાધીશે આરોપીના સોમવાર સુધીના રિમાન્ડ મંજૂર કર્યા હતા.
