ટ્રમ્પે શુક્રવારે જાહેર કર્યું હતું કે ચીન અત્યારે જે ટેરિફ આપે છે તે ઉપરાંત વધારાનો ૧૦૦ ટકા ટેરિફ ૧ નવે.થી આપવો પડશે
નવી દિલ્હી: ચાયના ઉપર વધારાનો ૧૦૦ ટકા ટેરિફ લાદવાની ટ્રમ્પે શુક્રવારે જાહેરાત કર્યા પછીનાં દિવસે ચીને ટ્રમ્પનાં તે પગલાંને બેવડાં ધોરણ સમાન ગણાવ્યું હતું.
અનામી રહેવા માગતા ચીનનાં વાણિજ્ય મંત્રાલયના પ્રવક્તાએ ઓનલાઈન તેવું આ નિવેદન પ્રસિદ્ધ કર્યં૦ હતું.
બૈજિંગે રવિવારે પ્રસિદ્ધ કરેલાં નિવેદનમાં તેમ પણ જણાવ્યું હતું કે વાસ્તવમાં ટ્રમ્પ સપ્ટેમ્બર મહિનાથી જ ચીન ઉપર એક યા બીજી રીતે આર્થિક દબાણો કરી રહ્યા છે.
આ પૈકી આ વળતો ટેરિફ સૌથી વધુ કઠોર છે. તેઓએ ૧લી નવેમ્બરથી અમલી બને તે રીતે ચીનથી આયાત થતી વસ્તુઓ ઉપર વર્તમાન ટેરિફ ઉપરાંત બીજો ૧૦૦ ટકા વધારાનો ટેરિફ લગાડી દીધો છે.
તે માટે કારણો દર્શાતાં ટ્રમ્પે ટ્રૂથ સોશ્યલ ઉપર કરેલા પોસ્ટમાં લખ્યું હતું કે અમને હમણાં જ જાણવા મળ્યું છે કે ચીને દુનિયાભરમાં અમારી વિરૂદ્ધના પત્રો પાઠવી અમારી સામે મોરચા માંડી દીધા છે. સાથે તેઓે એવો પણ નિર્ણય કર્યો છે કે ૧લી નવેમ્બર ૨૦૨૫થી તેમની લગભગ તમામ ચીજવસ્તુઓ ઉપર મોટા પ્રમાણમાં નિકાસ અંકુશો મુકવાનું છે. પોતાની બનાવટની ચીજો ઉપર તો તે એ અંકુશો મુકશે જ પરંતુ અન્ય દેશની ચીજો જે ચીનમાં આયાત કરાઈ હોય પછી તેની નિકાસ કરવાની હોય તો તેની ઉપર પણ ભારે નિકાસ અંકુશો તે મુકવા માગે છે. કોઈ પણ અપવાદ સિવાય દરેક દેશ ઉપર તેની અસર થાય તેમ છે. આ યોજના તો તેઓએ વર્ષો પહેલાં ઘડી કાઢી હશે. આવું આંતરરાષ્ટ્રીય વ્યાપારમાં કદી કોઈએ સાંભળ્યું નહીં હોય, અને બીજા દેશો સાથેના વ્યવહારમાં આટલું નૈતિક અધઃપતન પણ કોઇએ સાંભળ્યું નહીં હોય. આમ લખ્યા પછી પોતે લીધેલા નિર્ણય (વધારાના ૧૦૦ ટકા ટેરિફ)નો બચાવ કરતાં લખ્યું હતું કે ચાયનાં આવું પગલું ભરે તે માનવું અશક્ય સમાન છે, પરંતુ તેઓએ તે પગલું ભર્યું જ છે તે સૌ કોઈ જાણે છે. બાકીની બધી બાબતો તો ઇતિહાસ બની ગઇ છે. મારાં આ લખાણ ઉપર ધ્યાન આપવા બદલ તમારા સર્વેનો આભાર – ડોનાલ્ડ ટ્રમ્પ.
ચાયનાએ રેર અર્થસની નિકાસ ઉપર મુકેલા વધુને વધુ અંકૂશો પછી ટ્રમ્પે આ (૧૦૦ ટકા વધારાના ટેરીફ)નું પગલું ભર્યું હતું.
ચીને નિકાસ અંકુશની યાદીમાં રેર-અર્થ ઉપરાંત વધુને વધુ બાબતો ઉમેરવી શરૂ કરી છે. જેમાં ટેકનોલોજી મીલિટરી અને સેમિકન્ડકટર્સ પણ સમાવિષ્ટ છે.
