Maharashtra Politics: મહારાષ્ટ્રમાં ફરી એકવાર રાજકીય હલચલ જોવા મળી રહી છે. ઉદ્ધવ ઠાકરે બાદ હવે મહારાષ્ટ્રના મુખ્યમંત્રી દેવેન્દ્ર ફડણવીસ અને શિવસેના (ઉદ્ધવ જૂથ)ના નેતા આદિત્ય ઠાકરે વચ્ચે મુલાકાત થઈ હોવાની ચર્ચાએ જોર પકડ્યું છે. મળતી માહિતી અનુસાર, મુખ્યમંત્રી દેવેન્દ્ર ફડણવીસ અને આદિત્ય ઠાકરે વચ્ચે એક હોટલમાં ત્રણ કલાકથી વધુ સમય સુધી બેઠક ચાલી હતી. જોકે, આ અંગે સત્તાવાર પુષ્ટિ કરવામાં આવી નથી. ભાજપ અને શિવસેના (ઉદ્ધવ જૂથ)ના સૂત્રોએ બંને નેતાઓ વચ્ચે આવી કોઈ મુલાકાત ન થઈ હોવાના દાવા કરાયા છે.
