વડોદરા, તા.25 દારૃની હેરાફેરી કરવા માટે બૂટલેગરો માટે મુંબઇ-વડોદરા એક્સપ્રેસ વે નવો રુટ બન્યો છે. આજે બપોરે આ હાઇવે પર કરજણથી પોલીસનું કોર્ડન તોડીને ભાગેલી ગાડીનો ૧૫ કિ.મી. પીછો કરી પાદરાની હદમાં ઝડપી પાડી હતી જો કે ગાડી પાર્ક કરી બે શખ્સો ફરાર થઇ ગયા હતાં.
પ્રાપ્ત માહિતી મુજબ મુંબઇ-વડોદરા ભારતમાલા એક્સપ્રેસ હાઇવે પર દારૃનો જથ્થો ભરેલી એક ક્રેટા ગાડી ભરૃચથી નીકળી અમદાવાદ તરફ જવાની છે તેવી માહિતીના આધારે જિલ્લા એલસીબીએ કરજણ પાસે વોચ ગોઠવી હતી. બાતમી મુજબની ગાડી આવતા તેને રોકવાનો પ્રયત્ન કરતાં ચાલકે ગાડી ઊભી રાખવાના બદલે ભગાવી હતી જેથી પોલીસે પણ પીછો કર્યો હતો અને આગળ પાદરા તાલુકાના સોખડાખુર્દ ગામ પાસે વાહનોની આડશો મૂકાવી હતી.
પોલીસે ૧૫ કિ.મી. સુધી પીછો કર્યા બાદ સોખડાખુર્દ પાસે વાહનોની આડશો જોતા દારૃ ભરેલી ગાડી હાઇવે પર મૂકીને બે શખ્સો રેલિંગ કૂદીને ખેતરોમાં ફરાર થઇ ગયા હતાં. પોલીસે તેઓનો પીછો કરવા છતાં બંને ફરાર થઇ જવામાં સફળ રહ્યા હતાં. પોલીસે રૃા.૮.૪૧ લાખ કિંમતની ૧૦૬૮ દારૃની બોટલો, ગાડી મળી કુલ રૃા.૧૫.૪૧ લાખનો મુદ્દામાલ કબજે કર્યો હતો. પોલીસની પ્રાથમિક તપાસમાં ગાડી પર બોગસ નંબર પ્લેટ લગાવી હતી જ્યારે ગાડીમાંથી મહારાષ્ટ્ર અને હરિયાણા પાસિંગની અન્ય બે નંબર પ્લેટો પણ મળી હતી.
