વડોદરા,વડોદરા મ્યુનિ.કોર્પોરેશને શહેરના પશ્ચિમ ઝોનમાં ગોત્રી વિસ્તારમાં યશ કોમ્પલેક્સથી નીલામ્બર તરફ જતા પોલીસ સ્ટેશન નજીક ડાબી બાજુ રોડ લાઇનમાં નડતરરૃપ બનેલી અમુક ઓરડી પર બૂલડોઝર ફેરવી દબાણ હટાવ્યું હતું.
કોર્પોરેશને આ કામગીરી હાથ ધરી ત્યારે સ્થાનિક રહેવાસીઓ સાથે ઘર્ષણનાં દ્રશ્યો જોવા મળ્યા હતા. કોર્પોરેશને અગાઉ તા.૧૩ જૂને આ ઓરડીઓ હટાવી દીધી હતી, પરંતુ ફરી બાંધી દેવાતા આ ઓપરેશન હાથ ધર્યું હતું.
જે તે સમયે આ ઓરડી તોડી એ પછી કોર્પો.ના એર્ફોડેબલ હાઉસિંગ વિભાગ દ્વારા ફાળવણીની પણ જરૃરી પ્રક્રિયા કરવામાં આવી હતી. સ્થાનિક મહિલાનું કહેવું હતું કે અમે અહીં મફત રહેતા ન હતા, જગ્યા ખરીદી હતી. જોકે કોર્પોરેશનનું કહેવું છે કે કાયદાકીય પ્રક્રિયા પૂર્ણ કર્યા બાદ જ આ કામગીરી કરાઇ છે.
