શંકાસ્પદ આર્થિક વ્યવહારો દર્શાવતું થોકબંધ સાહિત્ય કબજે કરાયું : મોરબીના લેવીસ અને મેટ્રો ગ્રુપ સાથે સંકળાયેલાં કન્સ્ટ્રક્શન અને કોટનના ધંધાર્થીઓને ત્યાં તપાસ યથાવતઃ મોટી કરચોરી બહાર આવશે
રાજકોટ, : નવરાત્રિના આગમન પૂર્વે મોરબીના જાણીતા સિરામિક ગ્રુપ ઉપરાંત બિલ્ડીંગ કન્સ્ટ્રકશન અને કોટનના ધંધાર્થીઓને ત્યાં હાથ ધરવામાં આવેલી આવકવેરા વિભાગની તપાસ દરમિયાન લાખો રૂપિયાના શંકાસ્પદ આર્તિક વ્યવાહોર મળી આવ્યા હતાં. તેમજ રૂ. 2.5 કરોડની રોકડ રકમ રકમ સાથે બેંકના તમામ લોકરો આવક વેરા વિભાગ દ્વારા સીલ કરવામાં આવ્યા હોવાનું જાણવા મળ્યું હતું. હજુ બે દિવસ સુધી તપાસ ચાલશે ત્યારબાદ કરચોરીની સાચી વિગતો બહાર આવશે. તેમ આવકવેરા વિભાગના સુત્રોએ જણાવ્યું હતું.
મોરબીમાં સિરામિક ઈન્ડસ્ટ્રીઝમાં જાણીતા એળા લેવીસ અને મેટ્રો ગ્રુપની ઓફિસ, ફેકટરી અને રહેણાંક સહિત કુલ 45 સ્થળોએ આવકવેરા વિભાગ દ્વારા હાથ ધરવામાં આવેલા સર્ચ ઓપરેશનમાં આ પેઢીઓ સાથે સંકળાયેલાં રાજકોટના ધંધાર્થીઓના ઘર ઓફિસ સહિતના સ્થળોએ આવકવેરા વિભાગના અધિકારીઓએ તપાસ હાથ ધરી હતી. આજે મોડી રાત્રિ સુધી હાથ ધરવામાં આવેલી તપાસ દરમિયાન મળી આવેલી અઢી કરોડની રોકડ રકમ અને બિન હિસાબી આર્થિક વ્યવહારો સાથેનું સાહિત્ય કબજે કરવામાં આવ્યું હતું. હજુ આ સર્ચ ઓપરેશન વધુ બે દિવસ સુધી ચાલશે. વધુમાં મોરબી અને રાજકોટ ખાતે ધંધાર્થીઓનાં બેંક લોકરો પણ વકવેરા વિભાગ દ્વારા સુઝ કરવામાં આવ્યા હતાં. પ્રાથમિક તપાસ દરમિયાન ફિઝીકલ ઉપરાંત ડિજિટલ હિસાબી રેકર્ડની ચકાસણીમાં જે વિગતો મળી આવી છે તેના આધારે મોટી રકમની કરચોરી બહાર આવે તેવી સંભાવના છે.
