પ્રતિભાઓને મંચ આપવા તથા રમતોને પ્રોત્સાહન આપવા વડોદરા ડિવિઝન સ્પોર્ટ્સ એસોસિએશન દ્વારા આજે વૉલીબોલ લીગનું આયોજન કરવામાં આવ્યું હતુ.
જેમાં વિવિધ વિભાગોની 12 ટીમોએ ભાગ લીધો હતો. લીગ-કમ-નૉકઆઉટ પદ્ધતિથી યોજાયેલા આ મેચોમાં ખેલાડીઓએ ઉત્તમ પ્રતિભા અને રમતગમત ભાવના દર્શાવી હતી. ફાઇનલ મુકાબલામાં અધિકારીઓની ટીમે ઇજનેર વિભાગને 2-0ના સ્કોરથી હરાવીને ખિતાબ જીત્યો હતો. આ એક દિવસીય રોમાંચક ટૂર્નામેન્ટમાં મંડળના કર્મચારીઓ અને ખેલાડીઓમાં ભારે ઉત્સાહ જોવા મળ્યો હતો. લીગના અંતે પુરસ્કાર વિતરણ સમારંભ યોજાયો હતો. વિજેતા ટીમને ટ્રોફી આપવામાં આવી હતી. આ અવસર પર વડોદરા મંડળના ડિવિઝનલ રેલ્વે મેનેજર રાજુ ભડકે, એડિશનલ રેલ્વે મેનેજર નીરજ ધમીજા સહિત અન્ય અધિકારીઓ તથા રેલ્વે કર્મચારીઓ હાજર રહ્યા હતા.
