અમદાવાદ,બુધવાર,1
ઓકટોબર,2025
અમદાવાદમાં આ વર્ષના આરંભથી પેટ ડોગ એટલે કે પાલતુ કૂતરાં
રાખવા રજિસ્ટ્રેશન પ્રક્રીયા ફરજિયાત કરાઈ
છે.૧ ઓકટોબરથી શહેરમાં પાલતુ કૂતરાં રાખવા પ્રતિ ડોગ રજિસ્ટ્રેશન ફી રુપિયા બે
હજાર કરાઈ છે.શહેરમાં અંદાજે ૫૦ હજાર જેટલા પેટડોગ માલિકો દ્વારા રખાઈ રહયા છે.જે
સામે સપ્ટેમ્બર અંત સુધીમાં માત્ર ૧૮૫૯૬ પેટ ડોગનુ રજિસ્ટ્રેશન માલિકો દ્વારા
કરાવવામા આવ્યુ છે.શહેરમાં સૌથી વધુ ૩૫૫૯ લેબ્રાડોર અને ૧૩૫૯ જર્મન શેફર્ડ પેટ
ડોગની નોંધણી કરાઈ છે.પેટ ડોગની સંખ્યા સામે ઓછા પ્રમાણમાં રજિસ્ટ્રેશન કરાતા
કોર્પોરેશનની ટીમ હવે ઘેર ઘેર જઈ તપાસ કરશે. પેટ ડોગનું રજિસ્ટ્રેશન નહીં કરાવનાર
માલિકને નોટિસ આપશે.
રેબીસ ફ્રી અમદાવાદ શહેર-૨૦૩૦ માટેની ગાઈડલાઈન અનુસાર
શહેરમાં રાખવામાં આવતા પાલતુ કૂતરાં માટે પહેલી જાન્યુઆરીથી રજિસ્ટ્રેશન કરાવવુ
ફરજિયાત બનાવાયુ છે.મે મહીનામાં
રામોલ-હાથીજણ વોર્ડમા આવેલી રાધે
રેસીડેન્સીમાં રોટ વીલર નામના પાલતુ કૂતરાંએ
ચાર માસની બાળકી ઉપર હૂમલો કરતા તેનુ મોત થયુ હતુ.આ ઘટના પછી કોર્પોરેશન
તરફથી શહેરના અલગ અલગ વિસ્તારમાં પેટ ડોગ રાખતા માલિકો તેમના પાલતુ કૂતરાંનુ
રજિસ્ટ્રેશન કરે.તેને વેકસિન અપાવે એ સહીતની અન્ય બાબતને લઈ લોકોને જાગૃત કરવા
કાર્યક્રમ પણ કરાયા હતા.આમ છતાં શહેરમાં પાલતુ કૂતરાં રાખનારા માલિકો દ્વારા પાલતુ
કૂતરાંના રજિસ્ટ્રેશનને લઈ કોઈ ખાસ રસ બતાવવામાં આવ્યો નથી.૩૧ ડિસેમ્બર સુધી પ્રતિ
પાલતુ કૂતરાં દીઠ રુપિયા બે હજાર રજિસ્ટ્રેશન ફી અમલમાં રહેશે.જે પછી ફીમાં વધારો
કરાશે.
શહેરમાં ઝોન મુજબ નોંધાયેલા પેટ ડોગ
ઝોન પેટ ડોગની
સંખ્યા
મધ્ય ૭૪૪
ઉત્તર ૧૯૨૧
દક્ષિણ ૨૨૪૧
પૂર્વ ૨૭૩૫
પશ્ચિમ ૪૭૦૫
ઉ.પ. ૩૭૯૫
દ.પ. ૨૪૩૩
ઓનલાઈન ૨૨
બ્રીડ મુજબ શહેરમાં કેટલા રજિસ્ટ્રેશન કરાયા
બ્રીડ રજિસ્ટ્રેશન
લેબ્રાડોર ૩૫૫૯
જર્મન શેફર્ડ ૧૩૫૯
શિહત્ઝુ ૧૨૮૭
ગોલ્ડન રીટ્રીવર ૧૨૩૦
પોમેરેનિયન ૯૮૮
બીગલ ૫૦૫
સાઈબેરીયન હસ્કી ૪૧૪
રોટવીલર ૩૨૬
પગ ૩૬૩
અન્ય ૬૫૪
