વડોદરા,છાણીના દારૃના ગુનામાં છેલ્લા એક વર્ષથી નાસતા ફરતા આરોપીને પોલીસે મોબાઇલ લોકેશનના આધારે ઝડપી પાડયો છે.
છાણી પોલીસ સ્ટેશનમાં નોંધાયેલા દારૃના ગુનામાં છેલ્લા એક વર્ષથી નાસતા ફરતા આરોપી કમલેશ મિથુરામ સાલવી (રહે. ગામ શિવપુર, થાના કરેડા, તા.માંડલ,ભીલવાડ) ના પરિવારજનોના મોબાઇલ ફોનની માહિતી મેળવી તેના આધારે તપાસ કરતા આરોપી રાજસ્થાન તેના વતનમાં હોવાની વિગતો મળતા છાણી પોલીસની ટીમે રાજસ્થાન જઇ આરોપીને ઝડપી પાડયો છે. આરોપી સામે અગાઉ વરણામા પોલીસ સ્ટેશનમાં પણ પ્રોહિબિશનનો ગુનો નોંધાયો હતો. જ્યારે અન્ય એક બનાવમાં માંજલપુર પોલીસે વલસાડ જિલ્લાના પારડી તેમજ વડોદરા ગ્રામ્યના કરજણ પોલીસ સ્ટેશનના પ્રોહિબિશનના ગુનાના વોન્ટેડ આરોપી મોહંમદ નિહાલ જમાલુદ્દીન સિદ્દીકી (રહે. વૃંદાવન સોસાયટી, નોવિનો તરસાલી રોડ) ને મકરપુરા જી.આઇ.ડી.સી. ટેમ્પો ચોકડી પાસેથી ઝડપી પાડયો છે.
