પિતા અને પુત્ર સામે ફરિયાદ : બે વ્યકિતને ઇજા
આઠ વર્ષના બાળક પાસે પૂરઝડપે આવતી કારે એકદમ બ્રેક મારતા યુવકે ધીમે ચલાવવા માટે કહ્યું હતું
નડિયાદ: નડિયાદના કંસારા બજારમાં પૂરઝડપે કાર હંકારવા બાબતે યુવકને ઠપકો આપતા પિતા અને પુત્રએ ધારિયા અને લાકડાના દંડાથી હુમલો કર્યો હતો. બે વ્યકિતને ઇજા થઇ હતી. આ મામલે પિતા અને પુત્ર સામે ફરિયાદ નોંધાઇ છે.
નડિયાદના કંસારા બજાર તબોડી પોળમાં રહેતા નીલ નિરંજનભાઇ કંસારા( ઉ.વ. ૨૯) પરમ દિવસ રાત્રે કંસારા બજાર વડવા કુવા શાક માર્કેટ પાસે એક દુકાનના ઓટલા પર બેઠા હતા. આ સમયે તેમનો આઠ વર્ષના ભાણેજ તીર્થ સાઇકલ ચલાવી રહ્યો હતો. તે દરમિયાન નડિયાદ ખડાયતાપોળ મરદાબારીમાં રહેતા વિષ્ણું ઉર્ફે મનન સોની પોતાની કાર પૂરઝડપે હંકારી આવ્યો હતો. વિષ્ણુ મનન સોનીએ નીલ કંસારાના સાઇકલ ચલાવતા ભાણા પાસે એકદમ બ્રેક મારી હતી. આ જોઇને નીલ કંસારાએ કાર ધીમે ચલાવવા માટે વિષ્ણુ ઉર્ફે મનન સોની તેને બતાવી દઉં છુ તેમ કહી કાર લઇને જતો રહ્યો હતો. બાદમાં વિષ્ણુ ઉર્ફે મનન સોની અને તેના પિતા હર્ષદ ઉર્ફે લાલો સોની કાર લઇને ઘટના સ્થળે પરત આવ્યો હતા. પિતા-પુત્રએ ગાળો બોલી નીક કંસારાને મારવા માટે ઘસી આવ્યા હતા.
નીલ કંસારા દોડીને પોળમાં જતો રહ્યો હતો. પિતા -પુત્રએ પીછો કરી પોળમાં ઘૂસી ગયા હતા અને ધારિયા અને લાકડી વડે નીલ કંસારા પર હુમલો કરી ગાળો બોલી હતી. પુત્રને છોડાવવા ગયેલી માતાને નીલ કંસારાએ મારમાર્યો હતો. બંનેએ જાનથી મારી નાખવાની ધમકી આપી હતી અને બંને ફરાર થઇ ગયા હચતા.
આ મામલે નીલ કંસારાએ નડિયાદ શહેર પોલીસ મથકે વિષ્ણુ ઉર્ફે મનન સોની અને તેના પિતા હર્ષદ ઉર્ફે લાલો સોની સામે ફરિયાદ નોંધાવી છે.
