અમદાવાદ, બુધવાર
રતનપોળમાં મજૂરી કામ કરતા સોની પાસે દાગીના બનાવડાવીને રૃા. ૫.૬૦ લાખનું સોનું નહી આપીને ઠગાઇ કરી હતી. એટલું જ નહી સોનું માંગતા પોતે હોસ્પિટલમાં દાખલ હોવાનું નાટક કર્યું હતું, મહિના પછી ભાગીદાર બસમાં જતા હતા તેમની પાસેથી સોનાની ચોરી થઇ હોવાનું કહ્યા બાદ મોબાઇલ સ્વીચ ઓફ કરીને દુકાન બંધ કરીને આરોપી નાસી ગયો હતો. આ બનાવ અંગે કાલુપુર પોલીસે ગુનો નોંધી વધુ તપાસ હાથ ધરી છે.
સોનીએ સોનું માંગતા હોસ્પિટલમાં દાખલનું નાટક કર્યું ઃ પાર્ટનર બસમાં જતો હતો તેની પાસેથી સોની ચોરી થઇ હોવાની વાત કરી મોબાઇલ બંધ કર્યો
રાયખડ જમાલપુરમાં રહેતા અને રતનપોળમાં સોનાના દાગીના બનાવવાની મજૂરી કરતા યુવકે કાલુપુર પોલીસ સ્ટેશનમાં વેજલપુરમાં રહેતા અને ફરિયાદીની દુકાન પાસે દાગીના બનાવવાનું કામ કરતા આરોપી સામે ફરિયાદ નોધાવી છે કે તેમના મિત્રએ ફરિયાદીને દાગીના બનાવવા મજૂરી કામ જોઇતું હોય તો આરોપી આપશે તેવી વાત કરી હતી જેથી ફરિયાદીએ સંપર્ક કરતા પ્રથમ વખત આરોપીએ સોનું આપીને દાગીના બનાવડાવ્યા હતા.
ત્યારબાદ મહિના પહેલા ફરિયાદીએ રૃા. ૫.૬૦ લાખના પોતાના સોનાના દાગીના બનાવીને આપ્યા હતા પછી સોનુ માગતા પોતે હોસ્પિટલમાં દાખલ હોવાનું નાટક કર્યું હતું, મહિના પછી ભાગીદાર બસમાં જતા હતા તેમની પાસેથી સોનાની ચોરી થઇ હોવાનું કહ્યા બાદ મોબાઇલ સ્વીચ ઓફ કરીને દુકાન બંધ કરીને આરોપી નાસી ગયો હતો. આ ઘટના અંગે કાલુપુર પોલીસે ગુનો નોંધી વધુ તપાસ હાથ ધરી છે.
