વડોદરા, તા.28 ભાયલીમાં આવેલી મોનવીલે હોટલની રૃમમાં રાત્રે એક યુવતીની બર્થ ડે માટે ચાલતી દારૃની પાર્ટી પર પોલીસે રેડ કરી ત્રણ યુવતીઓ સહિત સાતને દારૃ પીધેલી હાલતમાં ઝડપી પાડયા હતાં.
પ્રાપ્ત માહિતી મુજબ ભાયલીમાં આવેલી મોનવીલે હોટલની રૃમમાં દારૃની પાર્ટી ચાલે છે તેવી માહિતી પોલીસ કંટ્રોલરૃમને મળતા તાલુકા પોલીસના સ્ટાફે મોડી રાત્રે એક વાગે હોટલ પર પહોંચીને રેડ પાડી હતી. હોટલની ૪૦૨ નંબરની રૃમ પાસે પોલીસે પહોંચીને રૃમ ખોલાવતા રૃમ ખોલનાર શખ્સે પોતાનું નામ તોતડાતી જીભે દર્શન પાટીલ જણાવ્યું હતું. બાદમાં રૃમમાં જઇને પોલીસે તપાસ કરતા ટેબલ પર દારૃની ચાર બોટલો મળી હતી જેમાં બે વોડકાની બોટલોનો સમાવેશ થાય છે.
આ ઉપરાંત પ્લાસ્ટિકના ખાલી ગ્લાસ અને કોલ્ડ્રિંક્સની બોટલ હતી. પોલીસે રૃમમાં બેસેલ ત્રણ યુવતી સહિત સાતેય શખ્સોની પૂછપરછ કરતા તેમણે સૃષ્ટિનો તા.૨૭ના રોજ બર્થ ડે હોવાથી ભેગા થઇને દારૃની પાર્ટી કરી હોવાની જણાવ્યું હતું. પોલીસે રૃા.૧૨૦૮૦ કિંમતની દારૃની ચાર બોટલો, છ મોબાઇલ સહિત કુલ રૃા.૧.૬૭ લાખનો મુદ્દામાલ કબજે કરી તમામ સામે દારૃની મહેફિલનો કેસ કર્યો હતો.
