ગ્રે ફેબ્રિક્સ, ડ્રેસ મટિરિયલ્સ, ડેનિમ, હોઝિયરી, શૂટિંગ-શર્ટિંગ અને બેડશીટ્સની વરાયટી સહિતના અનેક પ્રોડક્ટ્સ મૂકાશે
(પ્રતિનિધિ તરફથી) અમદાવાદ,બુધવાર
ન્યુક્લોથ માર્કેટ અને મસ્કતી કાપડ માર્કેટના દુકાનદારોએ આ વરસે માર્કેટનું જ એક્ઝિબિશન સેન્ટરમાં રૃપાંતર કરી દઈન ેમાર્કેટની તમામ બ્રાન્ડને પ્રોજેક્ટ કરતાં એક્ઝિબિશનનું આયોજન કરવાનો નિર્ણય કર્યો છે. ન્યુક્લોથ માર્કેટના ૬૬ વર્ષની પૂર્ણાહૂતિ નિમિત્તે આ એક્ઝિબિશન યોજવાનું અને દેશ દેશાવરથી ખરીદદારોને આમંત્રણ આપવાનું નક્કી કરવામાં આવ્યું છે. માર્કેટના તમામ ૧૫૦૦ દુકાનદારો તેમના પ્રોડક્ટ્સને પ્રોજેક્ટ કરવાનું કામ કરશે. સમગ્ર માર્કેટમાં લાલ જાજમ બિછાવી દેવામાં આવશે. વાહનોને માર્કેટમાં એન્ટ્રી આપવામાં આવશે. માર્કેટમાં આવનારાઓને આખા માર્કેટમાં ફેરવવા માટે ગોલ્ફના મેદાનની જેવી કાર દોડાવવામાં આવશે. માર્કેટમાં તેના સિવાયના એક પણ વાહનો રાખવામાં આવશે નહિ.
છ દિવસના આ એક્ઝિબિશનમાં ગ્રે ફેબ્રિક્સ, ડ્રેસ મટિરિયલ્સ, ડેનિમ, હોઝિયરી, શૂટિંગ-શર્ટિંગ અને બેડશીટ્સની વરાયટી સહિતના અનેક પ્રોડક્ટ્સ મૂકાશ. ઇદ, પોંગલ, હોળી સહિતના તહેવારો ઉપરાંત લગ્નસરા માટેના નવી ડિઝાઈનના કાપડ અને વસ્ત્રો તૈયાર કરીને એક્ઝિબિસનમાં મૂકવામાં આવશે. તેમાંય ખાસ કરીને વેટ ડાયટિંગ, વેટ પ્રિન્ટ, ડિજિટલ પ્રિન્ટ, પિગમેન્ટ પ્રિન્ટ સહિતના આધુનિક કાપડ અને વસ્ત્રો એક્ઝિબિશનમાં મૂકવામાં આવશે. લેટેસ્ટ ફેશનને અનુકૂળ બની રહે તેવા પ્રોડક્ટ્સ મૂકવામાં આવશે. ે
ટીએનસી ફેબેક્સા તરીકે ઓળખાનારા આ એક્ઝિબિશનમાં ૧૧૫થી વધુ બ્રાન્ડ અને ૧૫૦૦ દુકાનદારો ભાગ લેશે. બ્રાન્ડ પ્રોડયુસર ઉપરાંત કંનીઓના સીઈઓ, પરચેજ મેનેજર,ફેશન ડિઝાઈનર, મર્ચન્ડાઈઝર સહિત આ એક્ઝિબિશનમાં ઓછામાં ઓછા ૧૦૦૦૦થી વધુ લોકો આવે તેવી ધારણા મૂકવામાં આવી રહી છે. માર્કેટે દેશ અને દુનિયામાંથી ૫૦૦ જેટલા મોટા કસ્ટમર્સને એક્ઝિબિશનમાં ભાગ લેવા માટે એર ટિકીટ મોકલી આપી છે. તેમને એક દિવસ માટે આઈટીસી નર્મદામાં ઉતારો આપવામાં આવશે. વેપારીઓને એક દિવસનો પરંતુ એજન્ટ્સને બે દિવસનો સ્ટે આઈટીસી નર્મદામાં આપવામાં આવશે.
આ એક્ઝિબિશન યોજવાનો એક હેતુ ગારમેન્ટ મેન્યુફેક્ચરર્સને વૈશ્વિક હરીફાઈ કરવા માટે સક્ષમ બનાવવાનો પણ હોવાથી આ એક્ઝિબિશનમાં ભાગ લેવા માટે એકવાર તો દરેક જણ પધારે તેવી અપેક્ષા આયોજકો રાખી રહ્યા છે.
