અમદાવાદ, શનિવાર
અમદાવાદ ઇન્ટરનેશલ ટર્મિનલ ઉપર ઇમિગ્રેશન વિભાગ દ્વારા પેસેન્જરોના ચેકિંગ દરમિયાન બે પેસેન્જરને શંકા સ્પદ હાલતમાં પકડીને ચેક કર્યા હતા. જેમાં બાંગ્લાદેશના બે યુવકો દુબઇથી અમદાવાદ આવ્યા હતા, તેમની પાસેથી બોગસ પાસપોર્ટ મળી આવ્યા હતા. પોલીસ તપાસમાં બન્ને યુવકો બાંગ્લાદેશની બોર્ડરથી ગેરકાયદે રીતે ભારતમાં પ્રવેશ્યા હતા અને એજન્ટ મારફતે બનાવટી ચૂટણી કાર્ડ અને આધાર કાર્ડ બનાવીને તેના આધારે બનાવટી પાસપોર્ટ મેળવ્યો હતો. આ બનાવ અંગે એરપોર્ટ પોલીસે બાંગ્લાદેશના બે યુવકો અને બે એજન્ટ સામે ગુનો નોંધી વધુ તપાસ હાથ ધરી છે.
બાંગ્લાદેશથી ભારતમાં ગેરકાયદે પ્રવેશ કરીને એજન્ટ દ્વારા બનાવટી મતદાન તથા આધાર કાર્ડ રજુ કરી પાસપોર્ટ મેળવેલો ઃ બે એજન્ટ સહિત ચાર સામે ફરિયાદ
અમદાવાદ ઇન્ટરનેશનલ ઉપર ગઇકાલે દુબઇથી આવેલા વિમાનના પેસેન્જરોનું ઇમિગ્રેશન ચેકિંગ કરતી વખતે બાંંગ્લાદેશના રામચંદ્રપુર ચેંગરડાંગા ખાતેના જયંત બિસ્વાસને પાસેથી મળેલા પાસપોર્ટની તપાસ કરતાં તે બોગસ હોવાનું બહાર આવ્યું હતું, જેને લઇને પોલીસમાં ફરિયાદ કરતાં પોલીસ તપાસમાં આરોપીએ ગેરકાયદે રીતે બાંગ્લાદેશથી ભારતમાં પ્રવેશ કરીને આરોપીઓએ એજન્ટ મારફતે બોગસ પાસપોર્ટ બનાવડાવ્યો હતો જેમાં તેઓએ બનાવટી ચૂટણી કાર્ડ અને બોગસ આધાર કાર્ડ બનાવીને રજુ કરીને બોગસ પાસપોર્ટ મેળવ્યો હોવાની કબુલાત કરી હતી.
બીજા બનાવમાં એરપોર્ટ પોલીસે બાંગ્લાદેશના કાલીનગરબ્રશુર પંચાયત મુકસુદપુર ગોપાલગંજ જિલ્લાના મિથુન બાલા તથા અજાણ્યા એજન્ટ સામે ગુનો નાધ્યો છે. આરોપી ગઇકાલે ગઇકાલે દુબઇથી આવેલા વિમાનમાં બેસીને અમદાવાદ એરપોર્ટ ઉપર આવ્યા હતા અને ઇમિગ્રેશન ચેકિંગ કરતી વખતે બોગસ પાસપાર્ટ આધારે પકડાયા હતા તેઓ પણ એજન્ટ મારફતે બોગસ બનાવટી ચૂટણી કાર્ડ અને બોગસ આધાર કાર્ડ બનાવીને તેના આધારે બોગસ પાસપોર્ટ મેળવ્યો હતો.
