– મૃતકના પિતાએ અજાણ્યા વાહન ચાલક વિરૂધ્ધ ફરિયાદ નોંધાવી
– બે ભાઈ બાઈક લઈને કલરની કામગીરી પૂર્ણ કરી ઘરે આવતા હતા ત્યારે અકસ્માત સર્જાયો
ગઢડા : ગઢડાના સિપાઈ સોસાયટીમાં રહેતા બે ભાઈઓ પોતાનું બાઈક લઈને કલરની કામગીરી પૂર્ણ કરી પરત ઘરે આવતા હતા તે દરમિયાન ગઢડા બોટાદ રોડ પર અજાણ્યા વાહને અડફેટે લેતા એક ભાઈનું મોત નીપજ્યું હતું.
ગઢડાના સિપાઈ સોસાયટી ખાતે રહેતા યુનુસભાઈ ઉસ્માનભાઈ ભટ્ટી ના પુત્ર અસીમભાઈ અને સલમાનભાઈ તેમનું મોટરસાયકલ નંબર જીજે ૩૩ જે ૪૬૬૪ લઈને બોટાદથી કલર કામ પૂર્ણ કરી પરત ઘર તરફ આવી રહ્યા હતા.તે દરમિયાન ગઢડા બોટાદ રોડ પર આવેલ પેટ્રોલ પંપ નજીક અજાણ્યા વાહનના ચાલકે પોતાનું વાહન પુરઝડપે અને બેફિકરાઈથી ચલાવી બાઈક સાથે અથડાવી દેતા બાઈક પર જઈ રહેલા બન્ને ભાઈને ઇજા થતા ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા.જ્યાં આસિમનું મોત નિપજ્યું હતું.આ બનાવ સંદર્ભે મૃતકના પિતા યુનુસભાઈએ ગઢડા પોલીસ મથકમાં ફરિયાદ નોંધાવી છે.
