જમાઈએ સાસરિયા વિરૂધ્ધ ધોલેરા પોલીસમાં ફરિયાદ નોંધાવી
લગ્ન પ્રસંગમાંથી પતિ-પત્ની અને ભાઈઓ બાઈક પર ગામમાં પરત આવતા હતા ત્યારે બનાવ બન્યો
ભાવનગર: ધોલેરાના સરસલા ગામ રહેતા યુવાને યુવતી સાથે કોર્ટ મેરેજ કરી લીધેલા હોવાની દાજ રાખી યુવતીના પિતા ભાઈ સહિત છ શખ્સે કાર અને બાઈક પર ધસી આવી યુવતીને બળજબરી પૂર્વક કારમાં બેસાડી લઈ જઈ યુવાનના પરિવારને ગાળો આપી લાફા ઝીંકી ધમકી આપી હતી.
ધોલેરાના સરસલા ગામ રહેતા અને મજૂરી કામ કરતા દશરથભાઈ નાનુભાઈ કાનાણી અને તેમના પત્ની તુલસીબેન ગાફ ગામ ફઈ જમનાબેનના ઘરે તેમના દીકરા તથા દીકરીના લગ્ન જતા હતા.દરમિયાનમાં દશરથભાઈ અને તેમના પત્ની તથા દાદાનો દીકરો વિશાલભાઈ જીવાભાઈ કાનાણી તથા બેન કાજલબેન જીવાભાઈ કાનાણી મોટરસાયકલ નં જીજે-૩૮-એપી-૭૧૪૭ નુ લઇ ચારેય જણા ગાફથી સરસાલા ગામે આવવા માટે નિકળ્યા હતા. અને તે વખતે સામે થી એક લાલ કલરની કાર તથા એક બાઇક આવી અને અચાનક કાર આડી ઉભી રાખી કારમાંથી તુલસીના પિતા રમેશ હિસભાઈ પરજીયા તથા તેનો ભાઈ સુરજ રમેશભાઈ પરજીયા તથા ડ્રાઈવર બુધા વાલજીભાઈ ધરજીયા નીચે ઉતરી તુલસીબેને જબરજસ્તી કારમાં બેસાડી જતા રહ્યા બાદ મોટરસાયકલ પર આવેલા રાજેશ ઉર્ફે ગોટી દિનેશભાઈ ધરજીયા તથા વિશાલ ભુપતભાઈ ધરજીયા તથા પિન્ટુ બાબુભાઈ ધરજીયાએ ભાઈ વિશાલભાઈ જીવાભાઈ કાનાણીને લાફો
ઝીંકી નાસી છૂટયા હતા.આ બનાવ સંદર્ભે દશરથભાઈએ છ શખ્સ વિરૂધ્ધ ધોલેરા પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
ચાર માસ પૂર્વે યુવક યુવતીએ કોર્ટ મેરેજ કરી લીધા હતા
બે વર્ષે પેહલા યુવતી દશરથભાઈને મળી હતી.અને બન્ને વચ્ચે પરિચય થયો હતો અને પ્રેમના તાતણે બંધાયા હતા.બન્નેના પરિવારને લગ્ન અંગેની વાત પણ કરી હતી.પરંતુ યુવતીના પિતા નહીં માનતા બન્નેએ ગઈ તા-૨૫ ઓગષ્ટ ૨૦૨૫ ના રોજ અમદાવાદ નવરંગપુરા કોર્ટમાં લગ્ન કરી લીધા હતા.
