નિલમબાગ પોલીસ મથકમાં ગુનો નોંધાયો
જમીનની વહેંચણીનો વિવાદ કોર્ટમાં ચાલતો હોય તેનો રાગદ્વેશ રાખી ધમકી આપી
ભાવનગર: વારસાઈની જમીનની વહેંચણીનો વિવાદ કોર્ટમાં ચાલતો હોય તેનો રાગદ્વેશ રાખી શહેરના વકિલને ફોનમાં ધમકી આપ્યા અંગે નિલમબાગ પોલીસ મથકમાં ગુનો નોંધાયો છે.
શહેરના કાળિયાબીડ રામનગર સોસાયટીમાં રહેતા અને વકિલાતનો વ્યવસાય કરતા ગોહિલ શિવભદ્રસિંહ દિલાવરસિંહે નિલમબાગ પોલીસ મથકમાં હરદેવસિંહ બહાદુરસિંહ ચુડાસમા વિરૂદ્ધ ફરિયાદ નોંધાવી હતી. જેમાં તેમના મોસાળમાં માતાની વારસાઈની જમીન આવેલી હોય જે જમીન વારસાઈ બાબતે તેમના માતાના ભત્રીજીના પતિ ઉક્ત હરદેવસિંહ વિરૂદ્ધ જમીન બાબતેનો વિવાદ કોર્ટમાં ચાલતો હોય જે બાબતે રાગદ્વેશ રાખી ગત તા.૧૯-૧૨ના સાંજના સાતેક વાગ્યાના સમયે તેમના ફોનમાં ઉક્ત હરદવેસિંહે ફોન કરી તેમને અને તેમના પરિવારને અપશબ્દો કહી ધમકી આપી હતી. આ અંગે નિલમબાગ પોલીસે ગુનો નોંધ્યો છે.
