BMC mayor News : બૃહન્મુંબઈ મહાનગરપાલિકા (BMC) ચૂંટણીમાં ભાજપ-શિંદે જૂથની મહાયુતિને સ્પષ્ટ બહુમતી મળી ગઈ છે, પરંતુ હવે સત્તાનો અસલી સંઘર્ષ મેયર પદને લઈને શરૂ થયો છે. ‘કિંગમેકર’ની ભૂમિકામાં આવેલા એકનાથ શિંદેને ‘હોર્સ ટ્રેડિંગ’નો ડર સતાવી રહ્યો છે, જેના કારણે તેમણે પોતાના તમામ 29 પાર્ષદોને 5-સ્ટાર હોટલમાં શિફ્ટ કરી દીધા છે. બીજી તરફ, મુખ્યમંત્રી દેવેન્દ્ર ફડણવીસે અઢી-અઢી વર્ષના મેયરપદની ફોર્મ્યુલા પર વાતચીત કરવાના સંકેત આપ્યા છે, જેના પર ઉદ્ધવ ઠાકરેએ તીખો કટાક્ષ કર્યો છે.
ફડણવીસનું નરમ વલણ, ફોર્મ્યુલા માટે તૈયાર
BMCમાં મેયર પદને લઈને ચાલી રહેલી ચર્ચાઓ વચ્ચે મુખ્યમંત્રી દેવેન્દ્ર ફડણવીસે મોટું નિવેદન આપ્યું છે.
