Patadi News : સુરેન્દ્રનગરના પાટડી તાલુકાના ખેરવા ગામે ગઈકાલે રવિવારે(1 ફેબ્રુઆરી, 2026) રાત્રે બુટલેગર દ્વારા આંતક મચાવતા ગ્રામજનોમાં રોષ ભભૂક્યો હતો. જેમાં ખેરવાના નવાપરા વિસ્તારમાં બુટલેગર દ્વારા બાઈક અને કાર અડફેટે લીધી હતી. આ ઘટનામાં 3 મહિલાઓને ઈજા પહોંચતા સારવાર માટે હોસ્પિટલ ખસેડવામાં આવી હતી. સમગ્ર ઘટનાને લઈને સ્થાનિકોએ જાણ કરતાં પોલીસ ઘટનાસ્થળે પહોંચીને આગળની કાર્યવાહી હાથ ધરી છે.
પાટડીના ખેરવામાં બુટલેગરનો આંતક
મળતી માહિતી મુજબ, ખેરવા ગામે બુટલેગરના ત્રાસથી સ્થાનિકો ત્રાહિમામ પોકારી ઉઠ્યા છે. ગત રાત્રિએ બુટલેગરે વાહન અડફેટે લઈને મહિલાને ઈજા પહોંચાડી ઘટનાસ્થળેથી ફરાર થઈ ગયો હતો. ઘટનાને લઈને સ્થાનિકોમાં ભારે રોષ જોવા મળ્યો હતો.
આ પણ વાંચો: બગદાણા નવનીત બાલધિયા કેસ: મહુવા કોર્ટે 8 આરોપીઓના જામીન મંજૂર કર્યા, 6 આરોપી હજુ જેલમાં
સ્થાનિકોએ જણાવ્યું હતું કે, આબિબભાઈ હબિબભાઈ ખલીફા નામનો વ્યક્તિ દારૂ પીને ગામમાં આંતક મચાવ્યો છે. રસ્તા પર નાનો છોકરાઓ રમતા હોય છે, ત્યારે આવી ઘટનાને લઈને અકસ્માતનો ભય રહે છે. બીજી તરફ, આ વ્યક્તિ વિરૂદ્ધમાં 15 દિવસમાં આ ત્રીજો ગુનો નોંધાયો છે. અમારી માગ છે કે, ગામમાં આતંક મચાવનાર બુટલેગર સામે પોલીસ દ્વારા કડક કાર્યવાહી કરે.
