સાયલા તાલુકામાં ગેરકાયદેસર ખાણકામ પર ખનીજ વિભાગની મોટી કાર્યવાહી
ચાર
કરોડથી વધુનો મુદ્દામાલ જપ્ત તાલુકામાં છેલ્લા પાંચ દિવસમાં કાર્બોેસેલ અને બ્લેક
ટ્રેપની ચોથી મોટી રેડ ઃ ગેરકાયદે ખોદકામ કરાયેલી જગ્યાની માપણી શરૃ કરાઇ
સાયલા–
સુરેન્દ્રનગર ભૂસ્તશાસ્ત્રીની ટીમે ગત રાત્રિના રોજ સાયલા તાલુકાના મોટા
કેરાળા ગામના ભોગાવો નદી કાંઠા વિસ્તારમાં ખાનગી માલિકીની જમીનમાં ચાલતું બ્લેક ટ્રેપ
ખનીજનું ગેરકાયદેસર ખાણકામ ઝડપી પાડયું હતું. અચાનક કરાયેલી રેડ દરમિયાન ખોદકામ સ્થળ
પરથી કુલ ૧૭ ટ્રક તેમજ ૨ એક્સકેવેટર મશીન સહિત ચાર કરોડથી વધુનો મુદ્દામાલ જપ્ત કરવામાં
આવ્યો હતો.
કાર્યવાહી પૂર્ણ થયા બાદ જપ્ત કરાયેલો તમામ મુદ્દામાલ કેરાળા રોડ ઉપર
આવેલા ક્વોરી પ્લાન્ટ પર રાખવામાં આવ્યો હતો. ત્યારબાદ સવારના સમયે જપ્ત કરાયેલી
મશીનરી મામલતદાર સાયલા કેમ્પસ ખાતે ખસેડવામાં આવી હતી, જ્યારે
ટ્રક સિવાયના બે મશીન સુરેન્દ્રનગર સ્થિત ખાણખનીજ વિભાગની કચેરી ખાતે સીઝ કરવામાં
આવ્યા હતા.
ગેરકાયદેસર ખોદકામ કરાયેલી જગ્યાની માપણી કરવામાં આવી રહી છે અને આ મામલે
સંડોવાયેલા શખ્સો સામે માઇન્સ એન્ડ મિનરલ્સ રેગ્યુલેશન એન્ડ ડેવલપમેન્ટ એક્ટ, ૧૯૫૭
તથા ગુજરાત મિનરલ પ્રિવેન્શન ઓફ ઇલીગલ માઈનિંગ, ટ્રાન્સપોર્ટેશન
એન્ડ સ્ટોરેજ રૃલ્સ, ૨૦૧૭ હેઠળ કાર્યવાહી હાથ ધરાશે. તમામ
ડમ્પર અને મશીન માલિકો તેમજ ડ્રાઈવરોને સુરેન્દ્રનગર ખાણખનીજ કચેરી ખાતે બોલાવી
નિવેદનો લેવામાં આવ્યા છે. તેમજ ખનીજ ક્યાં સપ્લાય કરવામાં આવતું હતું અને આ આખા
રેકેટનો મુખ્ય સૂત્રધાર કોણ છે તેની તપાસ હાથ ધરવામાં આવી છે.
નોંધનીય છે કે સાયલા તાલુકામાં છેલ્લા પાંચ દિવસમાં કાર્બોેસેલ અને બ્લેક
ટ્રેપ પર આ ચોથી મોટી રેડ છે, જેને પગલે સ્થાનિક તંત્રની નિષ્ક્રિયતા સામે અનેક સવાલો
ઉભા થયા છે. અન્ય કચેરીઓ દ્વારા વારંવાર થતી આ કાર્યવાહીથી ભૂમાફિયાઓમાં ફફડાટ
વ્યાપી ગયો છે.
ઝડપાયેલ વાહન માલિકો ના નામ
(૧) કિરીટભાઈ બાર (૩ ડમ્પર, રહે. મોટા કેરાળા,
તા.સાયલા)
(૨) વિજયભાઈ રાઠોડ (રહે. વડીયા ગામ, તા.સાયલા)
(૩) સાગરભાઇ (રહે. રાજકોટ)
(૪) યુવરાજસિંહ બારડ (રહે. સાયલા)
(૫) કનુભાઈ (રહે. થોરીયાળી, તા.વીંછીયા)
(૬) ક્રિપાલસિંહ મોરી (૩ ડમ્પર,રહે. સાયલા)
(૭) રાજુભાઈ ભરવાડ (રહે.લીંબડી)
(૮) રવિભાઈ મેસુરીયા (રહે, મોટા કેરાળા, તા.સાયલા)
(૯) રણુભાઈ મીર (રહે. સાયલા)
(૧૦) રૃપસંગભાઈ રામાભાઈ ગોહિલ (રહે. મોટા કેરાળા, તા.સાયલા)
(૧૧) પૂર્વ રાજભાઈ દરબાર (રહે. મોટા કેરાળા, તા.સાયલા)
(૧૨) રાજુભાઈ ખોડાભાઈ ભરવાડ (રહે.લીંબડી)
(૧૩) બાલુભાઇ રાજપુત (રહે. વડીયા ગામ, તા.સાયલા)
(૧૪) અશોકભાઈ (૨-મશીન માલિક, રહે. મઢાદ ગામ, સાયલા)
સાયલા તાલુકામાં ચાલુ વર્ષે ગેરકાદેસર થયેલા ખનનની વિગત
તારીખ ગામ કૂવા-ખાણ કોને દરોડા
પાડયા મુદ્દામાલ જપ્ત
૩૧-૦૧-૨૦૨૬ ચિત્રાલખ ગામ ૦૬ કૂવા (કાર્બોસેલ)
સ્થાનિક પોલીસ (પાંચ લાખનો મુદ્દામાલ)
૩૦-૧૨-૨૦૨૬ ચોરવિરા ગામ ૨૦ ખાણ (કાર્બોસેલ) એસઓજી પોલીસ (૨૦ ચરખી, કાર્બોસેલ)
૨૯-૧૨-૨૦૨૬ જુના જસાપર ગામ પથ્થરની ખાણ એસઓજી પોલીસ (ત્રણ કરોડનો
મુદ્દામાલ)
૨૦-૦૧-૨૦૨૬ ચોરવિરા ગામ ૪૩ કૂવા (કાર્બોસેલ) ખાણ-ખનીજ વિભાગ (૧૫૦ મે.ટન કોલસો)
૧૭-૦૧-૨૦૨૬ ચિત્રાલખ ગામ કાર્બોસેલ ખનન સ્થાનિક
પોલીસ (પાંચ લાખ)
૧૩-૦૧-૨૦૨૬ મદારગઢ ગામ પથ્થરની ખાણ સાયલા
મામલતદાર (૧.૨૫ કરોડ મુદ્દામાલ જપ્ત, ૨.૮૭ કરોડનો દંડ)
૦૯-૦૧-૨૦૨૬ ચોરવિરા ગામ ૩૨ કૂવા (કાર્બોસેલ) સાયલા મામલતદાર
૦૬-૦૧-૨૦૨૬ ઇશ્વરિયા ગામ ૩ કૂવા (કાર્બોસેલ) લીંબડી ડેપ્યુટી કલેક્ટર
૦૩-૦૧-૨૦૨૬ મદારગઢ ગામ બ્લેક પથ્થર સાયલા
પોલીસ (૧૩ ડમ્પર, ત્રણ મશની)
