Agni 3 Missile : ભારતે આજે એવી શક્તિશાળી મિસાઈલનું સફળ પરીક્ષણ કર્યું છે, જેનાથી દુશ્મન દેશો ફફડી જશે. આ મિસાઈલનું નામ ઈન્ટરમીડિએટ રેન્જની બેલેસ્ટિક મિસાઈલ અગ્નિ-3 છે. જ્યારે ઓડિશાના ચાંદીપુરામાં તેનું પરીક્ષણ કરવામાં આવ્યું ત્યારે તેના તમામ ઓપરેશન અને ટેકનિકલ પેરામીટર પણ ખરા ઉતર્યા છે. સૌથી મોટી અને ભયાનક વાત એ છે કે, મિસાઈલમાં પરમાણુ બોમ્બ લઈ જવાની અને ઝિંકવાની ક્ષમતા છે. આ ઉપરાંત તેની સ્પીડ માત્ર એક સેકન્ડમાં પાંચ સેકન્ડની છે, જે પલક ઝપકાવતા જ દુશ્મનને ખાખ કરી શકે છે.
પરમાણુ હથિયાર લઈ જવાની ક્ષમતા
ભારતીય સંરક્ષણ સેક્ટરમાં અગ્નિ મિસાઈલ સિસ્ટમ એક મહત્ત્વનો ભાગ બની ગઈ છે. ભારત પાસે એવી ઘણી મિસાઈલો છે, જેના કારણે દુશ્મન દેશો ટેન્શનમાં રહે છે. અગ્નિ-3 મિસાઈલના સફળ પરીક્ષણથી સ્પષ્ટ થઈ ગયું છે કે, ભારતની વ્યૂહાત્મક ક્ષમતા સંપૂર્ણ મજબૂત અને વિશ્વાસપાત્ર છે. અગ્નિ-3 એક ઈન્ટરમીડિએટ રેન્જની બેલેસ્ટિક મિસાઈલ છે, જેમાં પરમાણુ હથિયારો લઈ જવાની ક્ષમતા છે. આમાં અનેક ટાર્ગેટને નિશાન બનાવતી MIRV જેવી જ સમાન ટેકનોલોજી છે.
ભારતની રેન્જમાં આખુ પાકિસ્તાન
અગ્નિ-3 મિસાઈલની સૌથી મોટી ખાસિયત તેની સ્પીડ છે. તેનું વજન ઓછું હોવાના કારણે, તેની રેન્જ ત્રણથી પાંચ હજાર કિલોમીટર હોવાનું કહેવાય છે. અગ્નિ મિસાઈલમાં આ રેન્જ હોવાના કારણે આખુ પાકિસ્તાન અને ચીનના મોટાભાગના વિસ્તારો ભારતની રેન્જમાં હશે. તેની સ્પીડ પ્રતિ કલાક 18522 કિલોમીટરની છે. એટલે કે મિસાઈલ માત્ર એક સેકન્ડમાં 5થી 6 કિલોમીટરની સ્પીડ પકડી લે છે. જે સાબિત કરે છે કે, મિસાઈલ પલક ઝપકાવતા જ દુશ્મનને ખાખ કરી દેવાની ક્ષમતા ધરાવે છે.
રેન્જ 3000 થી 5000 કિલોમીટર
અગ્નિ 3 મિસાઈલની સૌથી મોટી ખાસિયત તેની ઝડપ છે. તેની રેન્જ 3000 થી 5000 કિલોમીટરની છે. મતલબ કે યુદ્ધ જેવી સ્થિતિમાં તે બેઈજિંગ અને ઈસ્લામાબાદને મિનિટોમાં તબાહ કરી શકે છે. બેઇજિંગ અને દિલ્હી વચ્ચેનું હવાઈ અંતર અંદાજે 3791 કિલોમીટર છે. તેની સ્પીડના હિસાબે આ મિસાઈલને દિલ્હીથી બીજિંગ જવામાં માત્ર 12.63 મિનિટનો સમય લાગશે.
પાકિસ્તાનની રાજધાની મિસાઈલના દાયરામાં
તેવી જ રીતે, જો આપણે પાકિસ્તાનની રાજધાની ઈસ્લામાબાદની વાત કરીએ તો તેનું હવાઈ અંતર 679 કિલોમીટર છે. આ મિસાઈલ માત્ર 150 સેકન્ડમાં ઈસ્લામાબાદ સુધી પહોંચીને તબાહી મચાવી શકે છે. બીજી વાત એ છે કે ચીનનો મોટો હિસ્સો અગ્નિ 3 મિસાઈલની રેન્જમાં છે. બીજા શબ્દોમાં કહીએ તો આખું પાકિસ્તાન અને આખું અફઘાનિસ્તાન મિસાઈલની રેન્જમાં છે.
આ પણ વાંચો : અમેરિકા પાકિસ્તાનનો ખજાનો લૂંટશે !
અગ્નિ મિસાઈલની વિશેષતા શું છે?
- આ ઈન્ટરમીડિયેટ રેન્જનીબેલેસ્ટિક મિસાઈલ છે.
- સૌથી મોટી વાત પરમાણુ શસ્ત્રો વહન કરવામાં સક્ષમ છે
- આ મિસાઈલ પર ન્યુક્લિયર બોમ્બ પણ ફીટ કરી શકાય છે
- આ મિસાઈલમાં થર્મોબેરિક હથિયારો પણ લગાવી શકાય છે.
- થર્મોબેરિક હથિયારને વેક્યુમ બોમ્બ પણ કહેવામાં આવે છે જે ઓક્સિજનને સંકોચીને દુશ્મનનો શ્વાસ છીનવી શકાય છે.
- અગ્નિ-3 મિસાઈલ 2490 કિલોગ્રામ વોરહેડ સાથે ઉડવાની ક્ષમતા ધરાવે છે.
- તે MIRV ટેક્નોલોજીથી સજ્જ છે, જેનો અર્થ એ છે કે તે એકસાથે અનેક લક્ષ્યો પર હુમલો કરી શકે છે.
- આ મિસાઈલની ઝડપ 6 કિલોમીટર પ્રતિ સેકન્ડ છે
- તેની બીજી વિશેષતા એ છે કે જો તે ટાર્ગેટથી 40 મીટર દૂર પડે તો પણ દુશ્મનને મારી નાખવાની 100 ટકા ગેરંટી છે.
- તે આકાશમાં 450 કિલોમીટરની ઉંચાઈ સુધી પહોંચી શકે છે.
- આ મિસાઈલ રીંગ લેસર ગાયરોસ્કોપ ઈનર્શિયલ નેવિગેશન સિસ્ટમથી સજ્જ છે.
- ફ્લાઇટની અધવચ્ચે તેનો પાથ બદલવામાં પણ સક્ષમ
આ પણ વાંચો : અમેરિકાએ ખૂંખાર ગુનેગારોની યાદી જાહેર કરી, તેમાં ભારતીયો સહિત 25000 ગેરકાયદે પ્રવાસીઓના નામ
