રાજસ્થાનના પોખરણ ખાતે ભારતીય વાયુસેનાએ અગ્નિવર્ષાની ધણધનાટી સાથે દેખાડી ભારતની પ્રચંડ તાકાત
પોખરણ, સંજીવ રાજપૂત/દર્શન પ્રજાપતિ: એબીએનએસ: રાજસ્થાનના પોખરણમાં અગ્નિવર્ષા કવાયત યોજાઈ હતી. જેમાં ભારતીય વાયુસેનાની અદ્યતન યુદ્ધ ક્ષમતાનું પ્રદર્શન જોવા મળ્યું.
અહીં ભારતીય સેનાના સંયુક્ત શસ્ત્રોનું પ્રદર્શન કરવામાં આવ્યું હતું જેમાં નેટવર્ક સક્ષમ કમાન્ડ અને નિયંત્રણ સિસ્ટમનો ઉપયોગ કરવામાં આવ્યો હતો. આકાશમાં વાયુના વિરો દ્વારા ભારતના ફાઇટર વિમાનો સામે અદભુત કરતબો રજૂ કર્યા હતા.
પ્રદર્શન દરમિયાન નેટવર્ક-સક્ષમ કમાન્ડ અને નિયંત્રણ સિસ્ટમનો ઉપયોગ કરીને લશ્કરી દળોની કાર્યક્ષમતા દર્શાવવામાં આવી, જે આજના યુદ્ધ ક્ષેત્રમાં ઝડપી અને સુચિત નિર્ણયો માટે જરૂરી છે.
માનવરહિત હવાઈ ડ્રોન્સ અને આધુનિક મિશન-સક્ષમ વાયુ પ્રણાલીઓનું પ્રદર્શન પણ કરવામાં આવ્યું. સ્ટ્રાઈક રોકેટ અને આધુનિક આર્ટિલરી સિસ્ટમો દ્વારા મજબૂત તાકાત દર્શાવવામાં આવી.
અન્ય લશ્કરી ઉપકરણો અને વાહનોમાં T-90 યુદ્ધ ટેન્ક, બોફોર્સ આર્ટિલરી સિસ્ટમ અને K-9 વજ્ર સ્વ-સંચાલિત હોવિત્ઝરનો સમાવેશ થયો છે. હવાઈ શક્તિમાં AH-64 અપાચે એટેક હેલિકોપ્ટર અને HAL ધ્રુવ હેલિકોપ્ટર, તેજસ અને રફેલ જેવા વિમાનો, અપાચે અને અન્ય હેલિકોપટર્સ દ્વારા વધુ મજબૂત પ્રદર્શન કર્યું.
આ ઉપરાંત પ્રથમ વાર ડ્રોન શોનું આયોજન કરવામાં આવ્યું હતું જેમાં ભારતીય વાયુસેનાની અનેક પ્રતિકૃતિએ. લોકોને મંત્રમુગ્ધ કર્યા હતા. આ પ્રસંગે ભારતીય વાયુસેના ઉચ્ચ અધિકારીઓ, રાજસ્થાનના રાજ્યપાલ અને મુખ્યમંત્રી સહિત અનેક મહાનુભવો ઉપસ્થિત રહ્યા હતા.
