– ધ્રાંગધ્રા હાઇવે પર ફરી જોખમી મેડિકલ વેસ્ટનો જથ્થો મળ્યો
ધ્રાંગધ્રા : ધ્રાંગધ્રા હાઇવે પર ફરી એકવાર જાહેરમાં મેડિકલ વેસ્ટનો મોટો જથ્થો મળી આવ્યો છે. રામેશ્વર ટાઉનશિપ સામે રોડની સાઇડમાં દવાઓ અને ઇન્જેક્શનનો જથ્થો ફેંકવામાં આવ્યો હતો.
આ અંગે ધ્રાંગધ્રા તાલુકા હેલ્થ ઓફિસરને જાણ કરતા ઘટના સ્થળે પહોંચ્યા હતા પરંતુ વારંવાર આ પ્રકારની ઘટના અને તબીબો સામે કોઈ આકરા પગલા નહીં લેવાતા હોવાથી દવાઓ અને ઇન્જેક્શનનો જથ્થો જાહેરમાં ફેકી પ્રદૂષણ સાથે અબોલ જીવોને પણ નુકસાન થાય તે પ્રકારનું હીન કૃત્ય કરતા હોવાનું સામે આવે છે. હાલ દવાનો ફેંકેલો જથ્થો તળાવના કાંઠે હોવાની બાબત પણ અતિ ગંભીર માનવામાં આવે છે અને તપાસ સાથે જાહેરમાં નાખેલ દવાના જથ્થા મામલે જવાબદાર સામે કડક કાર્યવાહીની માંગ ઉઠવા પામી છે. અગાઉ પણ આ પ્રકારે ધ્રાંગધ્રા હાઈવે પર સોલડી ગામ નજીક જાહેરમાં ફેકી દીધેલ દવાનો મોટો જથ્થો મળી આવ્યો હતો.
