અમદાવાદ,શનિવાર,7
માર્ચ,2026
અમદાવાદ મ્યુનિસિપલ કોર્પોરેશન દ્વારા છેલ્લા કેટલાક
વર્ષોથી વૃક્ષારોપણના નામે કરોડો રુપિયાનો ખર્ચ કરવામા આવી રહયો છે.બીજી તરફ શહેરના વિવિધ વોર્ડમાં ચાલી રહેલી વૃક્ષ ગણતરી
દરમિયાન ૪૨૨ જેટલા હેરીટેજ વૃક્ષો મળી આવ્યા છે.એક સદી પહેલાના શહેરીજનોએ તેમની
ભાવિ પેઢીઓની કેટલી હદે ચિંતા કરી હશે તેનો ખ્યાલ વિકટોરીયા ગાર્ડનમાં અડીખમ ઉભેલા
૧૧૩ વર્ષ જુનુ ખાટી આંબલી તથા મીઠાખળી રોડ ઉપર ૯૧ વર્ષના શમીના વૃક્ષની હયાતી જ
નગરજનો માટે આશિર્વાદરુપ સાબિત થઈ રહી છે.
વર્ષ-૨૦૧૧માંશહેરમાં વૃક્ષ ગણતરી કરવામા આવી હતી.એ સમયે
શહેરનો ગ્રીન કવર એરીયા ૪.૬૧ ટકા હતો.જે પછી ૧૪ વર્ષ પછી અલગ અલગ વોર્ડ વિસ્તારમાં સાર્સ ઈન્ડિયા નામની
એજન્સી દ્વારા વૃક્ષ ગણતરી કરાઈ રહી છે.અત્યારસુધીમાં ૪૭ વોર્ડમાંથી કુલ ૧૭ લાખથી
વધુ વૃક્ષોની ગણતરી પુરી કરવામા આવી છે. આ કામગીરી હજુ પણ ચાલશે.પરંતુ જે મહત્વની
બાબત સામે આવી છે જેમાં સફેદ પામ ઉપરાંત
રકતચંદન, ગોરખ
આમલી પણ મળી આવ્યા છે.માનવીય જીવનમાં દરેક રીતે ઉપયોગી બની રહે તેવા વૃક્ષોને
જાળવવાના બદલે વિકાસના ઓઠા હેઠળ તેને જડમૂળથી કાપી નાંખવામા આવે છે.પરિણામે પર્યાવરણને જાળવવવાની વાતો કરનારા જ વિકાસના
નામે વિનાશ નોંતરવામા સહભાગી બને છે.લીવેબલ અમદાવાદ, ગ્રીન સિટી અમદાવાદની ગુલબાંગો હાંકી જવાબદારીમાંથી છટકી
જનારા સત્તાધીશો, તંત્રના
અધિકારીઓ સમજે તો હજુ પણ પર્યાવરણ સુધરી શકે એમ છે. પણ પર્યાવરણ સુધારવા જાય તો
કરોડો રૃપિયાના તેમના સેટીંગ્સ તૂટી જાય એની ચિંતા વધુ હોય છે.
વિસ્તાર
વૃક્ષ વર્ષ
વિકટોરીયા ગાર્ડન ખાટી
આંબલી ૧૧૩
શાહીબાગ ફ્લાય ઓવર પાસે આંબલી ૧૦૬
ડો.વણીકર ગાર્ડન,મીઠાખળી શમી ૯૧
ગુજરાત કોલેજ રોડ આંબલી ૯૦
શ્રેયસ ફાઉન્ડેશન શમી ૯૦
આઈઆઈએમ ઓલ્ડ કેમ્પસ લીમડો
૬૮
કબીર ચોક,સાબરમતી લીમડો ૭૪
મોટેરા રોડ શમી ૭૩
રસાલા નેચર પાર્ક એલિફન્ટ
ઈયર ૬૮
રસાલા નેચર પાર્ક મંકી
ઈયર ૭૧
સ્ટેડિયમ રોડ પીપળો ૬૪
પરિમલ ગાર્ડન કુસુમ ૭૬
એરપોર્ટ રોડ આંબલી ૮૦
એચએલ કોલેજ રોડ વડ ૭૬
આશ્રમ રોડ પીપળો ૫૮
સેપ્ટ યુનિ રોડ લીમડો ૫૩
સી.જી.રોડ આંબલી ૭૫
પાંજરાપોળ લીમડો ૬૬
ટોરેન્ટ પાવર કોલોની આમળા ૬૦
સિંધુભવન લીમડો ૬૦
ટોરેન્ટ પાવર કોલોની વડ ૫૦
સ્પીપા શમી ૭૨
દર્પણ છ રસ્તા આંબો ૫૭
સોલારોડ પીપળો ૬૩
હેરીટેજ ગાર્ડન,રિવરફ્રન્ટ પીપળો ૭૩
કાંકરિયા લેકફ્રન્ટ આંબલી ૯૯
પટેલ મીલ,રખિયાલ
રોડ ગુંદા ૬૫
ખોખરા સર્કલ વડ ૬૬
વૃક્ષોનું ઔષધીય
અને અન્ય મહત્વ શું છે?
૧. આંબલી- અપચો,
કબજીયાત અને ભુખ ના લાગવી જેવી તકલીફોમાં ફાયદાકારક
૨. શમી- શનિદેવનું પ્રિય વૃક્ષ છે. વાસ્તુદોષ દૂર થતો
હોવાની માન્યતા
૩. વડ-ખાંસી,દાંતની
પીડા અને ઝાડા થવાની સમસ્યામા ફાયદારુપ
૪.ગુંદા-અથાણુ બનાવવા ઉપરાંત ખાંસી અને કબજીયાતના ઉપચાર
માટે ફાયદાકારક
૫. મિસ્વાક-નેચરલ ટૂથબ્રશની જેમ કામ કરે છે. મોંમા લાળની
માત્રા વધારવાની સાથે ડાયાબીટીસના ઉપચારમા કામમા આવે છે.
