– સામાન્ય સભામાં રૂ. 1192.57 કરોડના અંદાજપત્રને બહાલી અપાઈ
– બાંધકામ ક્ષેત્રે રૂ. 270.00 લાખ, પ્રાથમિક શિક્ષણ ક્ષેત્રે રૂ. 140.00 લાખ અને સમાજકલ્યાણ ક્ષેત્રે રૂ. 131.00 લાખની જોગવાઈ
ભાવનગર : ર વર્ષેની જેમ આજે સોમવારે ભાવનગર જિલ્લા પંચાયતની સામાન્ય સભામાં વર્ષ-ર૦ર૬-ર૭નુ રૂ. ૧૧૯ર.પ૭ કરોડનુ અંદાજપત્ર રજુ કરવામાં આવ્યુ હતું. જિલ્લા પંચાયતનુ રૂ. પ૮૮.૦ કરોડની પુરાંતવાળુ બજેટ સર્વાનુમતે મંજુર કરવામાં આવ્યુ હતું. ભાવનગર જિલ્લા પંચાયતમાં ભાજપની સધાા છે તેથી શાસક ભાજપે અં ાજપત્રને વિકાસ લક્ષી ગણાવ્યુ હતુ, જયારે કોંગ્રેસે બજેટ આંકડાની માયાજાળવાળુ ગણાવી વખોડયુ હતું.
ભાવનગર જિલ્લા પંચાયત કચેરીના હોલ ખાતે આજે સોમવારે સામાન્ય સભા પ્રમુખના અધ્યક્ષ સ્થાને બોલાવવામાં આવી હતી, જેમાં વર્ષ-ર૦ર૬-ર૭નુ અંદાજપત્ર રજુ કરવામાં આવ્યુ હતું. સરકારી પ્રવૃતિ અને સ્વભંડોળની આવક મળીને કુલ સુચિત અંદાજિત આવક રૂ. ૧ર૧૩.૭ર કરોડ તથા ખુલતી સિલક રૂ. પ૬૬.૮૪ કરોડ મળી કુલ રૂ. ૧૭૮૦.પ૭ કરોડની સામે રૂ. ૧૧૯ર.પ૭ કરોડના ખર્ચની જોગવાઈઓ કરી વર્ષના અંતે રૂ. પ૮૮.૦૦ કરોડની પુરાંત રહેશે. આ બજેટમાં કોઈ પણ જાતના નવા કરવેરા નાખવામાં આવ્યા નથી.
સને ર૦ર૬-ર૭ના સ્વભંડોળ વિભાગમાં મુખ્યત્વે ચુંટાયેલા સદસ્યઓને તેમના વિસ્તારના વિકાસના કામો માટેની જોગવાઈમાં રૂ. ર૦૦.૦૦ લાખ તેમજ સ્ટેમ્પ ડયુટી ગ્રાંટમાંથી જિલ્લા પંચાયત વિસ્તારમાં વિકાસના કામો માટે રૂ. ૨૦૦.૦૦ લાખ અને જંગલ કટીંગ માટે રૂ. ૪૦.૦૦ લાખની જોગવાઈ કરવામાં આવેલ છે. બજેટમાં બાંધકામ ક્ષેત્રે રૂ. ર૭૦.૦૦ લાખ, પ્રાથમિક શિક્ષણ ક્ષેત્રે નવી યોજનાઓ તથા અનઅધિકૃત નગરપાલિકાની શાળામાં મુડીગત ખર્ચાઓ સહિત કુલ રૂ. ૧૪૦.૦૦ લાખ, સમાજકલ્યાણ ક્ષેત્રે એસી, એસટી, ઓબીસી સમાજના વિકાસની યોજનાઓ માટે રૂ. ૧૩૧.૦૦ લાખ, અટલવાડી માટે રૂા. ૩૦.૦૦ લાખ જોગવાઈ કરવામાં આવી છે તેમ ભાવનગર જિલ્લા પંચાયતના પ્રમુખ રૈયાબેન મિયાણીએ જણાવ્યુ હતું. આ બેઠકમાં વિપક્ષ કોંગ્રેસના સભ્યોએ બજેટમાં ખામીઓ દેખાડી શાસક ભાજપના સભ્યોને સવાલ પુછયા હતાં. કેટલાક પ્રશ્ને સામસામી આક્ષેપો થયા હતાં.
જિ. પં.ના પ્રમુખનું નિવેદન ઉપપ્રમુખે વાંચતા આશ્ચર્ય
ભાવનગર જિલ્લા પંચાયતની સામાન્ય સભામાં પ્રમુખ નિવેદન વાંચતા હોય છે, જેમાં અંદાજપત્રની માહિતી હોય છે. આજની સભામાં મહિલા પ્રમુખ રૈયાબેન મિયાણીની જગ્યાએ ઉપપ્રમુખે નિવેદન વાંચતા સભ્યોમાં આશ્ચર્ય ફેલાયુ હતું. મહિલા પ્રમુખ ઓછુ ભણેલા હોવાથી ઉપપ્રમુખને નિવેદન વાંચવુ પડયુ હોવાનુ સભામાં ચર્ચાય રહ્યુ હતું.
મહારાજા કૃષ્ણકુમારસિંહજીની જન્મ જયંતિ ઉજવણી કરવા ખર્ચ કરાતો નથી
ભાવનગર જિલ્લા પંચાયત દ્વારા મહારાજા કૃષ્ણકુમારસિંહજીની જન્મ જયંતિની ઉજવણી કરવા માટે ખર્ચની જોગવાઈ કરવામાં આવે છે પરંતુ ખર્ચ કરાતો ન હોવાથી વિપક્ષના નેતાએ સવાલો ઉઠાવ્યા હતા અને આ શરમજનક બાબત કહેવાય તેમ જણાવ્યુ હતું.
કચેરીઓમાં ત્રણ-ત્રણ માસ સુધી ફાઈલ પડી રહેતા હોવાના આક્ષેપો
ભાવનગર જિલ્લા પંચાયત અને તાલુકા પંચાયતોઓમાં ત્રણ-ત્રણ માસ સુધી ફાઈલો પડી રહે છે, લોકોના કામ થતા નથી ત્યારે ફાઈલ ટ્રેકીંગ સીસ્ટમ ગોઠવવી જોઈએ તેમ કોંગ્રેસના સભ્યોએ જણાવ્યુ હતું. ફાઈલો પડી રહેતી હોવાની વાતને ભાજપના સભ્યોએ પણ ટેકો આપ્યો હતો.
જિલ્લા વિકાસ અધિકારીનો બંગલો તોડી નવો બનાવાશે
ભાવનગર જિલ્લા વિકાસ અધિકારીનો બંગલો તોડી નાખી નવો બનાવવા માટે સામાન્ય સભામાં ઠરાવ કરવામાં આવ્યો હતો. જિલ્લા પંચાયતનાં પ્રમુખનો બંગલો પણ નવો બનાવવા માટે અગાઉ ઠરાવ થઈ ગયો છે ત્યારે તાલુકાઓમાં રેસ્ટ હાઉસ જર્જરીત હાલતમાં છે તે નવા બનાવવા કોંગ્રેસના સભ્યએ માંગણી કરી હતી.
