Ahmedabad News : અમદાવાદ ગ્રામ્ય GIDC વિસ્તારની કંપનીમાં ભયંકર આગ લાગી હોવાની ઘટના સામે આવી છે. ઘટનાની જાણ થતાની સાથે અમદાવાદ ફાયરની 8 ગાડી ઘટનાસ્થળે પહોંચી આગ પર કાબૂ મેળવવાની કામગીરી હાથ ધરી છે.
સાણંદના મોરૈયાની પેપર પેકેજિંગ કંપનીમાં આજે(13 માર્ચ) ભીષણ આગ લાગતાં અફરાતફરીનો માહોલ સર્જાયો છે. જેમાં આરોહી પ્રિન્ટિંગ પાર્કમાં આગ લાગતા સાણંદ, બાવળા, ધોળકા, અમદાવાદ ફાયરની ટીમ દ્વારા પાણીનો મારો ચલાવી આગ ઓલવવાની પ્રયાસ હાથ ધર્યો છે.
આ પણ વાંચો: અમદાવાદમાં લાલ દરવાજા નજીક નબીરાઓએ અકસ્માત સર્જ્યો, ભાડે લાવેલી કારથી 3 વાહનોને અડફેટે લીધા
આગના બનાવને પગલે ચાંગોદર પોલીસની ટીમ પણ ઘટનાસ્થળે પહોંચી હતી. જ્યારે કયા કારણોસર આગ લાગી તે હજુ જણાયું નથી. આગ ઓલવવાની કામગીરી દરમિયાન પ્રહલાદનગર ફાયર સ્ટેશનના અધિકારી મનુભાઈ સોલંકી ઈજાગ્રસ્ત થયા હોવાનું જણાય છે.
