Khel Mahakunbh : ખેલ મહાકુંભ 2025માં વડોદરાની સ્વિમિંગ ટીમે નોંધપાત્ર પ્રદર્શન કરીને શહેરનું નામ રાજ્યભરમાં ગુંજતું કર્યું છે. રાજ્ય સ્તરની વિવિધ તબક્કાની સ્વિમિંગ સ્પર્ધાઓમાં વડોદરાના તરવૈયાઓએ કુલ 115 મેડલ જીતીને પોતાની ક્ષમતાનો પ્રભાવશાળી પરિચય આપ્યો હતો. આ મેડલોમાં 43 ગોલ્ડ, 23 સિલ્વર અને 49 બ્રોન્ઝનો સમાવેશ થાય છે.
રાજ્ય સ્તરની સ્પર્ધાઓ ત્રણ તબક્કામાં યોજાઈ હતી. ઓપન એજ બોયઝ અને ગર્લ્સ કેટેગરીની સ્પર્ધાઓ 18 થી 19 જાન્યુઆરી 2026 દરમિયાન વડોદરામાં યોજાઈ હતી. ત્યારબાદ અન્ડર-11, અન્ડર-14 અને અન્ડર-17 બોયઝ કેટેગરીની સ્પર્ધાઓ 13 થી 14 ફેબ્રુઆરી દરમિયાન ભાવનગરમાં યોજાઈ હતી, જ્યારે ગર્લ્સ કેટેગરીની સ્પર્ધાઓ 22 થી 23 ફેબ્રુઆરી દરમિયાન હિંમતનગરમાં યોજાઈ હતી.
ઉત્કૃષ્ટ પ્રદર્શન કરનાર ખેલાડીઓમાં અન્ડર-17 કેટેગરીમાં માધવ દૌડિયા 5 ગોલ્ડ મેડલ સાથે સ્ટાર પરફોર્મર તરીકે ઉભર્યા હતા, જ્યારે અન્ડર-11 કેટેગરીમાં શિવમ કુમારે 2 ગોલ્ડ મેડલ જીત્યા હતા.
