– સરકારી અને આઉટ સોર્સિગના કર્મીઓની કફોડી સ્થિતિ
– જિલ્લા વિકાસ અધીકારી સહિત ઉચ્ચ અધિકારીઓને વારંવાર રજૂઆતો, ઉકેલ નહીં તો આંદોલનની ચીમકી
નડિયાદ : નડિયાદમાં ખેડા જિલ્લા પંચાયતના માર્ગ અને મકાન વિભાગમાં વહીવટી શિથિલતાના કારણે કર્મચારીઓને ૩ મહિનાથી વેતન મળ્યું નથી. આ મામલે વારંવાર રજૂઆતો છતાં પણ તંત્ર દ્વારા હકારત્મક ઉકેલ નહીં આવતા કર્મચારીઓના આર્થિક વ્યવહારો ખોરવાયા છે અને પરિવારમાં અસંતોષ ફેલાયો છે.
ખેડા જિલ્લા પંચાયત હસ્તકના માર્ગ અને મકાન વિભાગમાં ફરજ બજાવતા કાયમી અને આઉટ સોર્સિગ એજન્સી હેઠળના કર્મચારીઓ માટે ૩ મહિનાથી વહીવટી તંત્રની બેદરકારી અને સંકલનના અભાવે સમયસર કર્મચારીઓનો પગાર ચુકવવામાં આવતો નથી.
