– ફ્રોડ ટ્રાન્ઝેક્શન માટે બેંક એકાઉન્ટ ભાડે અથવા કમિશનથી મેળવ્યા
– નાણાં સગેવગે કરી ફ્રોડ આચરનારા 8 શખ્સો સામે બોરતળાવ પોલીસ મથકમાં ગુનો નોંધાયો
ભાવનગર : સાયબર ફ્રોડના નાણાના ટ્રાન્ઝેક્શન માટે બેંક એકાઉન્ટ ભાડે અથવા કમિશનથી મેળવી આવા મ્યૂલ એકાઉન્ટ થતી કરોડોના ટ્રાન્ઝેક્શન કરી ફ્રોડના નાણાં ક્રિપ્ટો કરન્સીમાં કન્વર્ટ કરી છેતરપિંડી આચરનારા આઠ શખ્સ સામે શહેરના બોરતળાવ પોલીસ મથકમાં ગુનો નોંધાતા પોલીસે તપાસ હાથ ધરી છે.
સાયબર ફ્રોડની એક્ટિવિટિ માટે લોકોને લાલચ આપી રૂ.૧૦ થી ૨૦ હજારમાં ભાડે અથવા કમિશનથી બેંક એકાઉન્ટ મેળવી દશરથ રામજીભાઈ ધાંધલ્યા (રહે. હાલ રૂમ નં.૪૦૧, સ્વપ્ન સાકાર રેસીડેન્સી, નર્મદા બિલ્ડિંગ આખલોલ જકાતનાકા, ભાવનગર મુળ રહે. એલ-૫૦૧, હરી ક્રિષ્ના રેસીડેન્સી, ઉમરા ફાટક વેલેન્જા સુરત), આર્યન ઉર્ફે લખન શોભરાજભાઈ જોસેતા (રહે.-નિલકંઠ હાઇટ્સ એ ૩૦૨ મિનષા ગરનાળાની બાજુમાં ઉતરાણ મુન હોટલ સામે સુરત મુળ વતન રસાલા કેમ્પ, નવુ ઝુલેલાલ મંદિર વાળા ખાંચામા, નવાપરા, ભાવનગર હાલ રહે. સિદસ૨ ૨૫ વારીયા, બ્લોક નં ૧૪૩ ભાવનગર), શૈલેષ ઉર્ફે ભુરો હિરાભાઈ ચૌધરી, રાહુલ ગોવિંદભાઇ ગોહેલ (રહે. કામરેજ ઓમ નગર ૦૧ હાઉસ નં.૯૮, કાળુભાઈ પટેલના મકાનમાં, સુરત મુળ વતન જુના પાદર ગામ તા. ઘોઘા જી .ભાવનગર), શાફીન યુનુસભાઈ અબ્દુલભાઈ કુરેશી (રહે.-પ્લોટ નં.૧૦૨, લુહાર ચોક, વાળુકડ, ઘોઘા જી.ભાવનગર) માહીન યુનુસભાઈ અબ્દુલભાઈ કુરેશી (રહે. પ્લોટ નં.૧૦૨, લુહાર ચોક, વાળુકડ તા.ઘોઘા જી.ભાવનગર) મીહિર ભગવાનભાઈ પાંચાભાઈ સરવૈયા રહે.પ્લોટ નં.૧૨/બી, ઓમ નમઃ શિવાય સોસાયટી, ફુલસર, સ્વામી ગુરુકુળ પાછળ, ભાવનગર), અમન ઇસુફભાઇ અબ્દુલકાદર ઓફથાની (રહે.બ્લોક નં, ૪૩/એ, કેજીએન મસ્જીદ પાસે, જમનાકુંડ, સાંઢિયાવાડ, ભાવનગર) તથા તેના મળતીયાએ ગુનાહીત કાવતરૂ રચી જુદી-જુદી આશરે ૧૭ બેંકમાં જુદા-જુદા વ્યકિતઓના બેન્ક એકાઉન્ટમાં સાયબર ફ્રોડ (ચોરી) ના નાણા હોવાનું જાણવા છતાં કરોડોના ટ્રાન્ઝેક્શન કરી ફ્રોડના નાણાં ચેક અને એટીએમથી ઉપાડી નાણાં દશરથ ધાંધલ્યા તથા તેના મળતીયાઓને આંગડિયાથી મોકલી અથવા ક્રિપ્ટો કરન્સીમાં કન્વર્ટ કરી રકમ સગેવગે કરી હોવા અંગેની પોલીસ ફરિયાદ બોરતળાવ પોલીસ મથકમાં નોંધાઈ છે.
134 બેંક એકાઉન્ટમાં રૂ. 21.37 કરોડના ટ્રાન્ઝેક્શન થયાં
સાયબર ફ્રોડના નાણાંને સગેવગે કરવા માટે કુલ-૧૩૪ બેન્ક એકાઉન્ટનો ઉપયોગ કરી રૂ.૨૧,૩૭,૨૨,૧૯૭ કે તેથી વધુનું ટ્રાન્ઝેક્શન કરી જેમાં એનસીઆરપી પોર્ટલ પર કુલ કમ્પલેઇન ૨૭૨ની થયેલ જેમાં કુલ રૂપિયા ૮,૧૧,૮૧,૨૪૧નું ફ્રોડ ટ્રાન્ઝેક્શન થયું હતું.
