અમદાવાદ, સોમવાર,6 એપ્રિલ,2026
અમદાવાદના ઉત્તર-પશ્ચિમ ઝોનમાં આવેલા ગોતા વોર્ડમાં એસ્ટેટ
વિભાગે રજા ચિઠ્ઠીની શરતોનુ પાલન નહી કરવામા આવતા ત્રણ બાંધકામ સાઈટ સીલ કરી હતી.
બોડકદેવ તેમજ થલતેજ વોર્ડમાં બાંધકામ સાઈટ પાસેથી
રુપિયા ૧.૫૦ લાખ પેનલ્ટી વસૂલ કરવામા આવી છે.
ગુડ કન્સ્ટ્રકશન પ્રેકિટસ અનુસંધાનમાં નિયત કરવામા આવેલી
એસ.ઓ.પી.તેમજ રજા ચિઠ્ઠીની શરતામાં દર્શાવાયા મુજબ ઓનગોઈંગ બાંધકામ સાઈટ ઉપર બેરી
કેડીંગ, ગ્રીન
નેટ તેમજ મિસ્ટ મશીન વગેરે પુરતા પ્રમાણમાં જોવા ના મળતા ધ ઈવેરા, એસ.પ્લસ તથા સોલો
બ્લીસ-૨ બાંધકામ સાઈટ એસ્ટેટ વિભાગે સીલ કરી છે.ગોતા વોર્ડમાં સોલો બ્લીસ-૨ દ્વારા
રોડ ઉપર બિલ્ડિંગ મટીરીયલ મુકી દબાણ કરતા
નોટિસ આપી રુપિયા એક લાખની પેનલ્ટી વહીવટી ચાર્જ પેટે વસૂલ કરાઈ હતી.હાઈ એકયુઆઈ
સંદર્ભમાં બોડકદેવમા ઓનગોઈંગ સાઈટ પાસેથી રુપિયા પચાસ હજાર પેનલ્ટી વસૂલ કરવામા
આવી હતી.
