રમતા રમતા રસ્તો ભૂલી જનાર બાળકોને હેમખેમ માતાપિતાને સુપ્રત કરતા ટીઆરબી જવાનો
અમદાવાદ: સંજીવ રાજપૂત, એબીએનએસ: અમદાવાદ ટ્રાફિક પોલીસ અને ટીઆરબી જવાનો ભર ગરમી હોય કે ઠંડી કે પછી વરસાદ સતત ટ્રાફિક નિયમનનું કાર્ય સંભાળતા હોય છે ત્યારે પોતાની આગવી ફરજની સાથે સાથે તેઓ સમાજને ઉપયોગી કર્યો અને સક્ષમ દાખલો પણ બેસાડવામાં ફરજ ચુકતા નથી.
આવી જ ટીઆરબી જવાનોની એક સરાહનીય કામગીરી અમદાવાદ ખાતે સામે આવી છે.
વાત કરીએ તો હસનનગર દરગાહ બાપુનગર સ્ટેડિયમ ખાતેથી અજીતમિલ ચાર રસ્તા ખાતે બે અજાણ્યા નાના બાળકો નામે જિયાન જનાનુદ્દીન ઉ.વ. 4 તથા જોયા મહોમદરઈશ ઉ.વ. 5 આ ટીઆરબી જવાનોને મળી આવ્યા હતા. આ જવાનો અને ટ્રાફિક પોલીસ દ્વારા તપાસ કરવામાં આવતા જે બંને બાળકો રમતા રમતા ઘરેથી નીકળી ગયેલ અને રસ્તો ભૂલી ગયેલાનું જાણવા મળ્યું હતું.
આ બાબતે તેઓના વાલીવારસની તપાસ કરતા મણિલાલની ચાલીમાં રહેતા હોવાનું માલુમ થતા ઉપરોક્ત બંને બાળકોને વન વહીકલ સાથે સ્ટાફના આસી. રખિયાલ બીટ તથા ટી.આર.બી. જવાનો દ્વારા બાળકોને તેઓના માતા પિતાને હેનખેમ સોંપવામાં આવ્યા હતા.
આમ ટ્રાફિક ના નિયમન સાથે સાથે સમાજ પ્રત્યેની પોતાની આગવી ફરજનું ઉત્તમ ઉદાહરણ ઓપરેટર રાકેશભાઈ અને ડ્રાઈવર ચંદુભાઈ દ્વારા પૂરું પાડ્યું છે. તેઓના આ સતર્કતા ભર્યા કાર્ય બદલ ટ્રાફિક પીઆઇ ધંધુકિયા અને સ્ટાફ દ્વારા બિરદાવવામાં આવ્યા હતા તો બાળકોના માતાપિતાએ તેમનો હૃદયપૂર્વક આભાર વ્યક્ત કર્યો હતો.
