જમીનના વિવાદમાં બે ભાઈના પરિવારજનો બાખડયા
વારસાઈ જમીનના ભાગ પાડયા વગર રોટાવેટર ચલાવતા મામલો બિચક્યો, પત્ની-પુત્રી પર હુમલો, છ લોકો વિરૂધ્ધ ફરિયાદ
અમરેલી: ખાંભા તાલુકાના કંટાળા ગામમાં જમીનના ભાગ પાડવા બાબતે ચાલી રહેલા મનદુઃખમાં ભાઇ અને ભત્રીજાઓ દ્વારા કુહાડી, ખરપિયા અને લાકડીના ઘા મારીને આધેડની ઘાતકી હત્યા કરવામાં આવતા સમગ્ર પંથકમાં ચકચાર મચી ગઈ છે. આ મામલે ખાંભા પોલીસ સ્ટેશનમાં ૬ આરોપીઓ વિરુદ્ધ ગુનો દાખલ કરવામાં આવ્યો છે.
પ્રાપ્ત માહિતી અનુસાર ફરિયાદી ગંગાબેન રાઘવભાઈ સોંદરવાએ તેમના સાસુના નામે આવેલી આશરે ત્રણ વીઘા જમીનના ભાગ પાડવા બાબતે છેલ્લા ચાર વર્ષથી જેઠ નાનજીભાઈ ભગવાનભાઈ સોંદરવા સાથે મનદુઃખ ચાલતું હતું.
