Vadodara Yoga Day Celebrations : વડોદરા મ્યુનિસિપલ કોર્પોરેશનની કચેરી ખાતે ખાતે 12મા આંતરરાષ્ટ્રીય યોગ દિવસની ઉજવણીના આયોજન અંગે બેઠક યોજાઈ હતી. બેઠકમાં મેયર ગીતાબેન મકવાણા, મ્યુનિસિપલ કમિશનર અરુણ મહેશ બાબુ સહિતના પદાધિકારીઓ અને વિવિધ સંસ્થાઓના પ્રતિનિધિઓ ઉપસ્થિત રહ્યા હતા.
વિશ્વને યોગની વૈશ્વિક સ્વીકૃતિ અપાવનાર વડાપ્રધાન નરેન્દ્રભાઈ મોદીની પ્રેરણાથી દર વર્ષે 21 જૂનના રોજ આંતરરાષ્ટ્રીય યોગ દિવસની ઉજવણી કરવામાં આવે છે. ચાલુ વર્ષે “સ્વસ્થ વૃદ્ધાવસ્થા માટે યોગ” વિષય સાથે યોગ દિવસની ઉજવણી કરવામાં આવશે.
વડોદરા મહાનગરપાલિકા અને ગુજરાત રાજ્ય યોગ બોર્ડના સંયુક્ત ઉપક્રમે શહેરમાં મુખ્ય કાર્યક્રમ સમા સ્પોર્ટ્સ કોમ્પ્લેક્સ ખાતે યોજાશે. ઉપરાંત શહેરના 19 વોર્ડમાં વિવિધ સ્થળોએ યોગ કાર્યક્રમોનું આયોજન કરવામાં આવશે. તેમાં સ્પોર્ટ્સ કોમ્પ્લેક્સ, અતિથિગૃહો, સરકારી કચેરીઓ, જન આરોગ્ય કેન્દ્રો, બગીચાઓ અને ઐતિહાસિક ઇમારતોનો સમાવેશ કરવામાં આવ્યો છે.
