US Approves 4000 Crore Defence Support Package : ભારતીય સેનાના અપાચે હેલિકોપ્ટર અને M777 અલ્ટ્રા-લાઈટ હોવિત્ઝર તોપો માટે અમેરિકાએ 48.22 કરોડ ડોલર (આશરે ₹4,000 કરોડ)ના લોજિસ્ટિક્સ અને મેન્ટેનન્સ સપોર્ટ પેકેજને સત્તાવાર મંજૂરી આપી દીધી છે. અમેરિકી સંરક્ષણ વિભાગના જણાવ્યા અનુસાર, આ મંજૂરીથી ભારતીય સશસ્ત્ર દળોની ઓપરેશનલ તૈયારીઓ અને ક્ષમતા વધુ મજબૂત બનશે.
M777 હોવિત્ઝર સપોર્ટ: આ તોપોના લાંબા ગાળાના મેન્ટેનન્સ અને ટેકનિકલ સપોર્ટ માટે આશરે 23 કરોડ ડોલર ફાળવાશે, જેની મુખ્ય જવાબદારી BAE સિસ્ટમ્સ સંભાળશે. આ તોપો ખાસ કરીને ઊંચાઈવાળા પહાડી વિસ્તારોમાં તૈનાત છે.
અપાચે હેલિકોપ્ટર સપોર્ટ: AH-64E અપાચે એટેક હેલિકોપ્ટરના સ્પેર પાર્ટ્સ, એન્જિનિયરિંગ અને ટ્રેનિંગ સપોર્ટ માટે 19.82 કરોડ ડોલરનો ખર્ચ કરાશે. આ પ્રોગ્રામ માટે અમેરિકી કંપની બોઇંગ અને લોકહીડ માર્ટિન મુખ્ય કોન્ટ્રાક્ટર રહેશે.
આ પણ વાંચો : ચીન સરહદે ભારતની તાકાત વધશે : બંગાળ સરકારે એરફોર્સના બે મહત્ત્વના બેઝને આપી 25 એકર જમીન
અમેરિકી સંરક્ષણ વિભાગે જણાવ્યું છે કે, આ પ્રસ્તાવિત વેચાણ અમેરિકાની વિદેશ નીતિ અને રાષ્ટ્રીય સુરક્ષાના ઉદ્દેશ્યોને અનુરૂપ છે, અને તેનાથી ભારત સાથેની વ્યૂહાત્મક ભાગીદારી વધુ મજબૂત થશે, જે પ્રાદેશિક જોખમોને રોકવામાં મદદ કરશે.
