રાજપરા ગીરમાં રવેચી માતાજીના મહાયજ્ઞ સાથે ભવ્ય રાસોત્સવનું આયોજન

તા. 21 ઓક્ટોબરે અગિયારસ નિમિત્તે ધાર્મિક કાર્યક્રમ યોજાશે; રાજભા ગઢવી સહિતના જાણીતા કલાકારો રાસની રમઝટ બોલાવશે

રાજપરા ગીર : વિસાવદર તાલુકાના રાજપરા ગીર ગામે ભગવતી આઈ કુળદેવી શ્રી રવરાય રવેચી માતાજીના સાનિધ્યમાં આગામી તા. 21 ઓક્ટોબર, બુધવારના રોજ અગિયારસ નિમિત્તે મહાયજ્ઞ અને ભવ્ય ડાંડિયા રાસોત્સવનું આયોજન કરવામાં આવ્યું છે. ધાર્મિક આસ્થા અને લોકસંસ્કૃતિના સંગમ સમાન આ ઉત્સવને લઈને ભક્તો અને રાસપ્રેમીઓમાં ઉત્સાહ જોવા મળી રહ્યો છે.

આ પ્રસંગે માતાજીના હવન સહિત વિવિધ ધાર્મિક વિધિઓ યોજાશે. ત્યારબાદ રાત્રિના સમયે ભવ્ય ડાંડિયા રાસોત્સવનું આયોજન કરવામાં આવશે, જેમાં ગુજરાતના જાણીતા લોકકલાકારો પોતાની કલા અને રજૂઆતથી રાસપ્રેમીઓને મંત્રમુગ્ધ કરશે.

રાસોત્સવમાં ગીરના લોકપ્રિય કલાકાર રાજભા ગઢવી, વાલાભા ગઢવી, દેવરાજ ગઢવી, સોનલબેન બારોટ, નીતાબેન રબારી અને ઘનશ્યામ ઝુલા સહિત ગુજરાતના જાણીતા તેમજ અન્ય કલાકારો રાસની રમઝટ બોલાવશે.

માતાજીના સાનિધ્યમાં યોજાનારા આ ધાર્મિક અને સાંસ્કૃતિક મહોત્સવને લઈને રાજપરા ગીર ગામમાં ભક્તિમય માહોલ સર્જાશે. આયોજકો દ્વારા માતાજીના તમામ ભક્તો, રાસપ્રેમીઓ અને ધર્મપ્રેમી જનતાને આ પાવન પ્રસંગે ઉપસ્થિત રહી માતાજીનાં દર્શન, આશીર્વાદ અને ભવ્ય રાસોત્સવનો લાભ લેવા ભાવભર્યું આમંત્રણ પાઠવવામાં આવ્યું

રીપોર્ટ નિલેષ ઢીલા ઉમરાળા