ઉત્તરપ્રદેશના કાનપુરમાં મેસ્ટર્ન રોડ પર બુધવારે(8 ઓક્ટોબર) એક સ્કૂટરમાં ભયંકર વિસ્ફોટની ઘટનાથી હડકંપ મચી ગયો છે. મળતી માહિતી અનુસાર, કાનપુરમાં રસ્તાની બાજુમાં પાર્ક કરાયેલા એક સ્કૂટરમાં વિસ્ફોટ થયો હતો. જે ઘટનામાં 10થી વધુ લોકો ઘાયલ થયા હતા. ઘાયલોને તાત્કાલિક ઉર્સુલા હોસ્પિટલમાં દાખલ કરવામાં આવ્યા હતા, જ્યાં ઘણા લોકોની હાલત ગંભીર હોવાનું જાણવા મળી રહ્યું છે.
ઘટનાની માહિતી મળતાં, વરિષ્ઠ અધિકારીઓ અને FSLની ટીમ ઘટનાસ્થળે પહોંચી હતી અને તપાસ શરૂ કરી હતી. પોલીસનું કહેવું છે કે વિસ્ફોટનું ચોક્કસ કારણ હજુ સુધી જાણી શકાયું નથી. આ ઘટનાથી વિસ્તારમાં ગભરાટનો માહોલ સર્જાયો છે.
