વડોદરા,રિક્ષાના ભાડા વધારાના મુદ્દે બે યુનિયન વચ્ચે મતભેદ થયો છે. એક યુનિયન ભાડાવધારાની તરફેણમાં છે, જ્યારે બીજું યુનિયન આ રીતે ભાડામાં વધારો કરવાના નિર્ણયના વિરોધમાં છે.
આ અંગે વડોદરા રિક્ષા યુનિયનના અગ્રણીએ જણાવ્યું હતું કે, ૧ લી જુલાઇથી લઘુત્તમ ભાડામાં ૧૦ રૃપિયાનો વધારો કરવાનું નક્કી કરવામાં આવ્યું છે. આ નિર્ણય કોઈ વિરોધ પ્રદર્શન નથી. પરંતુ, રિક્ષાચાલકોની મજબૂરી છે. મિડલ ઇસ્ટમાં યુદ્ધની પરિસ્થિતિના કારણે પેટ્રોલ,ડીઝલ અને સીએનજીના ભાવ વધ્યા છે. જેના કારણે ભાડું વધારવાની ફરજ પડી છે. આજે રિક્ષા ચાલકોએ વડોદરા રેલવે સ્ટેશન ખાતે પ્લે કાર્ડ સાથે ઇઁધણના વધતા ભાવને લઈને દેખાવો કર્યા હતા. આગામી ૧ લી જુલાઈથી મિનિમમ ભાડું રૃપિયા ૩૦ કરવામાં આવશે. જ્યારે વડોદરા રિક્ષા ચાલક ઇન્ટુકના અગ્રણીએ જણાવ્યું છે કે, આ રીતે ભાડામાં વધારો કરવો યોગ્ય નથી. ચોક્ક્સ ભાડુ નક્કી કરવા માટે એક કમિટી બનાવવામાં આવે છે.તેમાં રિક્ષા ચાલક યુનિયનના આગેવાનો, સરકારી પ્રતિનિધિ વગેરે હોય છે. ત્યારબાદ ભાડુ નક્કી થાય છે.
