અમદાવાદ, સંજીવ રાજપૂત, એબીએનએસ: નાગપુર સ્થિત સૈન્ય ભરતી કચેરી દ્વારા 13 ઓક્ટોબર 2026ના રોજ તાલુકા સ્પોર્ટ્સ કોમ્પ્લેક્સ, વિસાપુર, ચંદ્રપુર ખાતે અગ્નિવીર (ક્લાર્ક/SKT) માટે 21 જિલ્લા (અમદાવાદ, અરવલ્લી, આણંદ, બનાસકાંઠા, ભરૂચ, છોડાઉદેપુર, દાહોદ, ગાંધીનગર, ખેડા, મહિસાગર, મહેસાણા, નવસારી, નર્મદા, પંચમહાલ, સાબરકાઠા, સુરત, ડાંગ, તાપી, વડોદરા, વલસાડ અને વાવ થરાદ) અને 2 કેન્દ્રશાસિત પ્રદેશો (દમણ, દાદરા અને નગર હવેલી)ના ઉમેદવારો માટે સૈન્ય અગ્નિવીર ભરતી રેલીનું આયોજન કરવામાં આવ્યું છે.
ઉપરોક્ત ભરતી રેલી માટે પ્રવેશપત્ર 15 સપ્ટેમ્બર 2026ના રોજ શૉર્ટલિસ્ટ થયેલા તમામ ઉમેદવારોને તેમના રજિસ્ટર્ડ ઇમેઇલ આઇડી પર મોકલી દેવામાં આવ્યું છે. ઉમેદવારોએ રેલી પ્રવેશપત્ર ડાઉનલોડ કરવા માટે તેમના વપરાશકર્તા નામ અને પાસવર્ડ સાથે ભારતીય સેનાની વેબસાઇટ www.joinindianarmy.nic.in પર લૉગિન કરવાનું રહેશે. કોઈપણ પૂછપરછ માટે કૃપા કરીને અમદાવાદ સ્થિત સૈન્ય ભરતી કચેરીનો 079-22861338 પર સંપર્ક કરવો.
